Fjalët me të cilat ndërtohesh
Janë porsi petale trëndafilash
Si nota të bukura
Në këngë bilbilash
Porosia jote
Shpërndahet porsi një polem
Ku poeti dehet
E në ty shkrin edhe shpirtin e vet
Kur rreth teje mblidhen
Pa dallim moshe a gjinie
Ti merr formën e bukur
Formë poezie
Je buqetë ndjenjash
Gjithmonë jepesh dhuratë
Çdo fjalë në ty që shkruhet
Për dikë është uratë
Ti që bartë në vete
Miliona porosi
Emri yt
S'kishte me qenë më i bukur
Po të mos të quanin
Poezi.