Unë
Sikur vala e detit gurëve
Kur përplasë të bardhën shkumë
Nga dhembja e malli në mërgim
Përplitem e tretem unë
Në kurbet
I thashë gjuhës
Kurrë mos e harro
Kurrë mos e hesht
fjalën
me rrënjë në zemër
Për atdheun
Mos e vrani qiellin
qiell është vuajtja ime për atdheun
Mos e ndotni ajrin
Ajër është frymarrja ime për atdheun
Mos e trazoni detin
Det është malli im për atdheun
Mos e përbuzni tokën
tokë është llava e dhembjes sime për atdheun
Mos e pështyni diellin
Diell është dashuria ime për atdheun
