Filmi dokumentar "All the Beauty and the Bloodshed" mbi fotografen amerikane Nen Goldin dhe luftën e saj kundër familjes së pasur Sekler, fitoi sot Luanin e Artë në Festivalin e Filmit në Venecia.
Çmimi shkoi për Laura Pitras, e cila punon në gazetarinë hulumtuese. Është vetëm hera e dytë në historinë 79-vjeçare të Festivalit të Filmit në Venecia që çmimi kryesor i jepet një filmi dokumentar.
Çmimi për aktoren më të mirë iu dha australiane Cate Blanchett për rolin e saj në filmin “TAR”, ndërsa çmimi për aktorin më të mirë shkoi për irlandezin Colin Farrell për rolin e tij në tragjikomedinë “The Banshee Of Inisherin”.
Luani i Argjendtë shkoi në dramën franceze të sallës së gjyqit Saint Omer, me regji të Alice Diop, e cila po bën debutimin e saj në filmin artistik pas drejtimit të një serie dokumentarësh.
