Asnjë ré mbi qiell
Asnjë pikë shi s'ra
Mbi majë të Gjallicës.
Në qendër t'qytetit
Asgjë s'shushuriti
Asnjë pëshpërimë
Asnjë ulërimë...
Ishte natë vere
Skëterrë, e shëmtuar
Për të shikuar
Për t'u trishtuar...
Nën qiellin e hapur
Nga shfaqje e paparë:
Poeti n'litar ...
Gjallica derdhi lot
Për fletën e shqyer
E lapsin e thyer
T'poetit të vyer. ..
Krah'rorin shtrëngonte
Dhe buzët drithëronte
Për fjalën e vrarë
T'poetit lastar...