Fërfëllin Vardarit tënd tonit
Unë eklipsit kot i stisem
Valët ndërrojnë korda lugina
Mërishëm gjëllin harresa
Këmbadoras liria arrin vijën fatale
Arkimed pa kund eurekë
Kryefjalë e Iliadës çfarë qe
Homeri im i verbër sa larg pa
Njëditëzaj tek trasonte historinë
Atë që ma mësoi jeta
Tek përplasen dekadat
Gjithçka të fal pos harresës
Zemërush mos m'i numëro teket
Ato lidhin fort dashurinë
Derisa kasnecët e vonuar
Bartin poshtë-lart plikon e mllefit
Mllef pa adresë
Apo thjesht nuk gjendet
Të kesh ndërruar adresë
A thua
Jo nuk më besohet
Shkupi është aty
Qëkur lulëzoi mbretëri dardane
Ruajtur në qeli shpirtrash
Si imi yti dhe pafundësisë.