Bie në gjunjë ditë e natë me tespih e uratë
Përkulu para tempujve varë pa zë pa gojë,
Mbrenda e mbanë satanin e fsheur në gji
Zoti s’është i verbër, ai sheh gjithë botën me sy.
Zoti nuk korruptohet me para as me gjësende
Duke plotësuar qëllime vetës pa vullnetin e tij,
Dhe duke shpërbërë realitetin në favor të caktuar
Ai e ka zanafillen e vet me imazhin e pa ndikuar.
Po të marrim në konsideratë pa paragjykime
Ku sëcili do të bëhej zot me pushtet të plotë,
Një veprim i tillë do prodhojë katastrofa në botë
Po të mos përdoren ligje e rregulla sipas një rendi.
Zoti nuk i krijoi religjionet dhe ndasitë ndërfetare
Që sot njeriu në emër të zotit, krijon krime e tragjedi,
Në konceptin e njerëzores përfshihet vetë koncepti njeri
Si një opsion suprem që edhe zoti e ka në profilin e tij.
Për fat që zoti nuk është serb, por edhe as shqiptar
Sepse serbët me shantazhe e raki e kishin bërë për vete,
Ndërsa shqiptarët rrahagjoksa, me folklor çitelie e sharki
E kishin bërë zotin me qajtë, vetëm në parajsë me mbërri.
