Më 24 korrik 2023, në Varrezat e Prishtinës, në prani të shumë qytetarëve, të afërmve e miqve, ish studentëve e shumë intelektualëve u zhvillua ceremonia e varrimit dhe iu dha lamtumira e fundit, mësimdhënësit e dijetarit Prof. Dr. Shefki Sejdiut.
këndejmi, pas një smundje të shkurtër ka ndërruar jetë në moshën 88 vjeçare albanologu i njohur shqiptar Akademiku Prof. Dr. Shefki Sejdiu nga Besiana. Ai u lind në Pakashticë të Besianës më 1935. Shkollën fillore e kreu në vendlindje, ndërkaq të mesmen, në Prishtinë. Si para Luftës së Dytë Botërore dhe në vitet e para të pas luftës vijoji mësimet herë serbisht e herë shqip. Ai pas përfundimit të shkollës së mesme punoi mësues në fshatra të ndryshme të Kosovës e Maqedonisë së Veriut kurse pas vendosjes së tij në Prishtinë dhe pas përfundimit të studimeve punoi në gjimnazin e Besianës dhe të Prishtinës. Nga vitet e 70-ta ishte zgjedhur ligjërues pranë Fakultetit Filosofik tani Filologjisë në Degën e Gjuhës Frenge. Shkallen e tretë të magjistraturës dhe studimet e doktoranturës i mbaroi në Universitetin e Zagrebit po ashtu në gjuhën frënge. Prof. Dr. Shefki Sejdiu ishte njohës i shkëlqyeshëm i gjuhëve romane në veçanti gjuhës frënge, latine, greke e vjetër, sllavishte e vjetër, spanjollishtes etj. Përmes fjalorëve ai ka korresponduar me disa gjuhë botërore ndersa disa gjuhë i ka folur.
Akademik Prof. Dr. Shefki Sejdiu ishte ligjërues i tri lëndëve në Universitetin e Prishtinës deri në moshën 70 vjeçare. Gjithashtu, ai ishte ligjërues edhe në Universitetit e ndryshme të Ballkanit. Ai ka shkruar shumë vepra dhe shumë punime studimore në revistat e ndryshme që botoheshin në vende të ndryshme të Ballkanit dhe Evropës.
Ai gjithashtu me kumtesat e tij ka marrë pjesë në Konferencat Ndërkombëtare rreth çështjeve gjuhsore, linguistike, onomastike etj, që janë mbajtur në qytete të ndryshme të rajonit dhe më gjerë, sikurse në Zagreb, Shkup, Beograd, Lubjanë, Sarajevë, Sofje, Bukuresht, Stamboll, Budapest, etj. Mirëpo, në hapësirat shqiptare ka mbetur i njohur shumë vepra voluminoze në disa vëllime madje ka zgjidhur shumë probleme nga lëmi i linguistikes gjuhësisë dhe onomastikës shqiptare që pa Prof. Shefkiun do të mbeteshin ndoshta përjetë të pazgjidhura si bie fjala Vardari e shumë të tjera.
Ka marrë pjesë me kumtesa shkencore në shumë simpoziume të mbajtura në shtete të ndryshme të Ballkanit dhe Evropës si në Francë, në Itali, Portugali, Spanjë etj. Profesori i nderuar dhe shumë i respektuar nga të gjithë studentët që kanë dalë nga dora e tij, Akademik Shefki Sejdiu, ka qenë deputet në legjislaturat e parë të Parlamentit të Kosovës. Akademik Shefki Sejdiu është nderuar më shumë mirënjohje e gjithashtu edhe me mirënjohjen e Paqes Globale. Së këndejmi, Akademik Shefki Sejdiu ishte njëri ndër shkencëtaret më të mirë nga radhët e shqiptarëve dhe njëri ndër personalitetet më të shquara të kulturës shqiptare në gjysmën e dytë të shekullit XX dhe në këtë çerek shekulli të shekullit XXI.
U preftë i qetë në parajsë shpirti i profesorit të nderuar Prof.Dr. Shefki Sejdiut.
