Sot ne kemi festë të madhe
"Sot ne s'kemi asnjë fe
Sot ne s'kemi asnjë parti"
Sot kemi vetëm një atdhe:
Me emrin e vetëm, SHQIPTARI!
Valojnë kudo flamujt kombëtar
me shkabën dy krenare kuq e zi
Festojmë për Njëzetë e tetë Nëntorin
Festojmë e urojmë për Pavarësi!
Në Krujë ndodhi Nëntori i parë
Me Gjergj Kastriotin-Skënder beun në ballë!
Në Vlorë ndodhi Nëntori i dytë
Me Ismajl Qemajlin që e kishim si sytë!
Do të na ndodhë edhe një ngjarje e madhe
Që e presim me dashuri e përjetësi në radhë
Nga të gjitha trojet tona, ndër breza e shekuj...
Mos na daltë shpirti, atë ditë nëse nuk e arrijmë në jetë
Nëntorin vendimtar, Nëntorin e tretë-Nëntorin e vërtetë
Kështu të bashkuar do të jemi krejt...
GËZUAR, o ju Shqiptar!
Të bashkuar në një Shqipëri natyrale
Duhet të jemi unik gjithmonë, jo më të ndarë
Dhe qofshim me fat e faqe bardhë!
Rroftë flamuri Kombëtar!
Rroftë populli Shqiptar!
