Sonte është mbuluar dhoma
nga manteli i zi i natës
Qetësi therrëse mbizotëron
Mendimet janë çliruar nga vargojt e kohës
Pikturat imazhe të fjetura u japin jetë
Kujtimet m`i lag ky shi i papritur
Dallgët e mallit zgjojnë një lumë
që ethshëm gjarpëron shpeshherë mbi mua
Herë lum i qetë e herë si përrua
Me zjarr në votër ish kjo dhoma ime
e ndezi t`i ngroh e t`i thaj ca kujtime
Nuk mundem që tutje t`i hedh
Zjarrin e shpirtit më ta ndez
I lehtë vjen ajri dhe mendimet shtegëtojnë
Presin agun të kthehen prapë
Të ngrohta shkëlqyese me rreze ngarkuar
Puthje hëne t`i vënë kapak
Rrezet e diellit ledhatojnë çerpikun
Për puthjen e parë në këtë mëngjes
Të pres…