Vazhdon buja në Serbi: Del tjetër foto e kriminelit nga veriu i Kosovës me vëllanë e presidentit serb - Bota Sot
Vazhdon buja në Serbi: Del tjetër foto e kriminelit nga veriu i Kosovës me vëllanë e presidentit serb

Lajme

Vazhdon buja në Serbi: Del tjetër foto e kriminelit nga veriu i Kosovës me vëllanë e presidentit serb

Më: 16 prill 2019 Në ora: 17:22
Zvonko Veselinoviq dhe vëllai i presidentit serb, Aleksandar Vuçiq, Andrej

Biznesmeni nga veriu i Kosovës, Zvonko Veselinoviq dhe vëllai i presidentit serb, Aleksandar Vuçiq, Andrej janë fotografuar së bashku në një restorant në Kopaonik, shkruan portali hulumtues KRIK, pjesë e Organizatës Botërore për Raportimin e Korrupsionit (OCCRP), i cili edhe ka publikuar fotografitë.

“Në fund të marsit 2015, (Crvena Zvezda) Red Star luajtën një lojë të basketbollit kundër Alba-s gjermane për çerekfinalet e Euroligës. Ngjarjen e kanë përcjellë edhe pesë burra nga ekrani në restorantin ‘Salas 137’ në Kopaonik … dhe në mesin e tyre ishin Veselinoviq dhe Andrej Vuçiq”, ka shkruar ky portal.

Madje, siç thuhet tutje, ata ishin në disponim të mirë – bisedonin, pinin dhe qeshën.

Po sipas këtij portali, shkrimin e të cilit e kanë shpërndarë edhe media tjera në Serbi, një skenë e tillë normale nuk do të tërhiqte vëmendjen, megjithatë, në tryezë ishin dy burra me ndikim – një nga bota e politikës, ndërsa tjetri nga bota e krimit.

Mysafiri i cili kishte fotografuar takimin ka shpjeguar se ai ishte i befasuar për të parë këta dy së bashku pasi ai kishte lexuar se Veselinoviq ishte përshkruar si kriminel.

Ai i ka fotografuar me një telefon celular dhe ai thuhet se kishte frikë për një kohë të gjatë për të treguar fotografinë, duke shtuar se nuk kishte dëgjuar bisedën e tyre.

Ndërkaq, portali KRIK e ka publikuar edhe një fotografi tjetër të Veselinoviqit dhe Adreja Vuçiqit.

“Në publik ka rrjedhur edhe një fotografi e cila e tregon afërsinë e vëllait të presidentit Andreja Vuçiq dhe biznesmenit kontrovers, Zvonko Veselinoviq. Këtë ‘selfie’ Veselinoviq e ka bërë gjatë fushatës parazgjedhore të Partisë Përparimtare Serbe (SNS- partia e presidentit Vuçiq) në vitin 2014 në hapësirat e agjencisë së marketingut ‘Inviktus Medija”, shkruan BIRN që edhe e ka publikuar fotografinë ‘selfie’.

BIRN thekson se bashkëpunimi i SNS-së dhe kësaj agjencie të marketingut nuk ka qenë në pajtim me ligjin pasi që SNS nuk e ka paraqitur në Agjencinë për Luftë kundër Korrupsionit. Kësaj agjencie i janë paguar më shumë se shtatë milionë dinarë.


Fotografitë e dërguara nga një lexues: Zvonko Veselinoviq (majtas) në një takim miqësor me Andrej Vuçiqin (djathtas). Identiteti i njeriut në mes është i panjohur.

Veselinoviq në raportet e policisë dhe të shërbimeve të sigurisë, tek të cilët kanë ardhur gazetarët e Krik dhe Organizatës Botërore për Raportimin e Korrupsionit (OCCRP), është i njohur si lideri i grupit që kanë të bëjnë me kontrabandimin e drogës, armëve dhe naftës, si dhe të pastrimit të parave.

Në publik, Veselinoviq pretendon se nuk merret me krimin, por ai u pasurua ligjërisht.

Megjithatë, shkruan KRIK, krahu i djathtë i tij, Milan Radoiçiq, është i dyshuar në Kosovë, se është përfshirë në vrasjen e politikanit Oliver Ivanoviq, vrasje e ndodhur në janar të vitit të kaluar.

Ndërkohë, në një bisedë telefonike me një gazetar të KRIK-it, Veselinoviç ka mohuar të ketë pasur ndonjë takim të tillë me Andrej në Kopaonik.

“E kam takuar atë dikur vetëm me një përshëndetje para vitit 2012. Unë nuk e njoh, as nuk kam ndonjë kontakt me të”, citohet të ketë thënë ai.

“Nëse dikush thotë se më ka parë me të, është duke gënjyer. Ky është një tjetër dezinformim, sikurse çdo tekst rreth meje. Ju kurrë nuk keni qenë të interesuar për të vërtetën, ju keni shikuar gjithnjë për të bërë një film për të cilin jeni paguar”, ka shtuar Veselinoviq.

Image
Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...