Ministri i Mbrojtjes, Aleksandar Vulin ka thënë sot në Konferencën e tetë të sigurisë në Moskë se Serbia ka zgjedhur të jetë neutral ushtarakisht dhe asnjëherë të mos bëhet pjesë e NATO-së apo ndonjë aleance tjetër, shkruan “Beta” transmeton “Bota Sot”.
Sipas tij me bombardimet e NATO-së para 20 viteve “tentuan të vrasin Serbinë, ndërsa kanë vra të drejtën ndërkombëtare", thuhet në kumtesën e ministrisë.
"Serbia që drejtohet nga Aleksandar Vuçiq është shëruar por jo e drejta ndërkombëtare. Serbia është ende gjallë, por e drejta ndërkombëtare edhe më tutje është e vdekur", tha Vulin gjatë fjalës në temën "Siguria e Ballkanit ndërmjet sfidave botërore dhe trashëgimisë regjionale".
Ministri Vulin po merr pjesë në Konferencën e sigurisë në Moskë, ndërkohë që gjatë qëndrimit u takua edhe me ministrin e mbrojtjes së Rusisë Sergej Shojg.
Raportet e Rusisë me Serbinë në nivelin më të lartë në histori.
Gjatë takimit me ministrin rus të mbrojtjes u potencua se raporti mes dy vendeve është më nivelin më të lartë në histori. Si thuhet në kumtesë Vulin ka theksuar se sivjet janë shtuar aktivitetet e planifikuara në kuadër të bashkëpunimit ushtarak bilateral.
"Çdo gjë që kemi planifikuar po realizohet në mënyrë e marrëveshjes", tha Vulin dhe shtoi se është i shqetësuar për formimin e “ushtrisë së Kosovës” ndërkohë që falënderoi ministrin rus Shojg për mbështetjen e Serbisë nga Rusia.
Ministrat janë pajtuar që të marrin pjesë në stërvitjet e përbashkëta ushtarake që është me rëndësi për të dy vendet.
Ministri Shojg ka pranuar ftesën për vizitë në Serbi dhe vizita do realizohet gjatë këtij viti.