Një aksion policor është duke u zhvilluar në mbarë vendin.
Lajmin e ka konfirmuar zëdhënësi i policisë për rajonin e Prishtinës, Bajram Krasniqi, por duke mos dhënë detaje rreth natyrës së aksionit.
“Asgjë më shumë se sa që është në zhvillim e sipër, pas përfundimit do të keni detajet..”, deklaroi Krasniqi.
Ndërkohë në media u raportua se ky aksion ka të bëjë me konfiskimin e armëve ilegale.
Theksojmë se aksioni i fundit i policisë i cili më pas u përcoll me një mori arrestimesh, u zhvillua në veri të vendit.