Zgjidhja me Kosovën duhet të vijë në paqe.
Kjo është forma që presidenti serb, Aleksander Vuçiq preferon që konflikti shumëvjeçar me Kosovën të zgjidhet.
Ai sot përmendi një marrëveshje paqësore, por që sipas tij nuk e poshtëron Serbinë.
“Nuk na duhen luftëra, na duhet paqe, por nuk do ta lejojë askënd që ta poshtërojë Serbinë me ndonjë ide për marrëveshje”, tha ai.
Sipas Vuçiq, Serbia nuk do të mund ta përballonte kurrë turpërimin.
“Është më e lehtë për mua ta paguaj çmimin, por këtë nuk mund ta bëj Serbia, dhe Serbia nuk do të mundte kurrë ta paguante çmimin e turpërimit”, tha sot Vuçiq.
Mesazhet e Vuçiq vijnë pak ditë pasi që Richard Grenell, i dërguar i Trumpit qëndroi në Beograd nga ku dha mesazhe të qarta për dialogun.
Takimi që Vuçiq pati me Grenell, nga kabineti i tij u përshkrua si një ndër më të rëndit, dhe pas të cilit Vuçiq nuk e tha asnjë fjalë për media.
Grenell pati edhe disa takime në Kosovë, me të gjithë udhëheqësit e partive politike.
