Radha e Gjuriqit, Lajcak tregon që i ka telefonuar zyrtarit serb për dialogun me Kosovën - Bota Sot
Radha e Gjuriqit, Lajcak tregon që i ka telefonuar zyrtarit serb për dialogun me Kosovën

Lajme

Radha e Gjuriqit, Lajcak tregon që i ka telefonuar zyrtarit serb për dialogun me Kosovën

Më: 19 maj 2020 Në ora: 16:19
Lajcak

I dërguari Special i Bashkimit Evropian për dialogun Kosovë-Serbi, Miroslav Lajcak ka biseduar sot me drejtorin e të ashtu quajturës zyra për Kosovën në qeverinë e Serbisë, Marko Gjuric.

Lajcak ka njoftuar përmes Twitterit se në bisedën me Marko Djuric kanë diskutuar për nevojën e rifillimi të dialogut të ndërmjetësuar nga Bashkimi Evropian.

“Bisedova sot me Marko Djuric rreth nevojës për një rifillim të dialogut të ndërmjetësuar nga Bashkimi Evropian dhe në këtë kontekst për çështjet praktike, vazhdimin e bashkëpunimit të mirë për t’u ballafaquar me Covid-19 dhe zbatimin e marrëveshjeve të kaluara”, ka shkruar Lajcak në Twitter.

Diplomati sllovak që nga marrja e detyrës së re për ndërmjetësimin e dialogut mes Kosovës dhe Serbisë ka biseduar me zyrtarë të të dyja shteteve.

Lajcak dje ka telefonuar kryeministrin në detyrë, Albin Kurti kurse para katër ditësh edhe kryetarin e LDK’së Isa Mustafa.

Shfaq komentet
comments powered by Disqus
Sot mund të lexoni Shfletoni kopertinat