Deputeti Haxhi Shala gjatë ditës së sotme ka lënë partinë Nisma Socialdemokrate për t’iu bashkuar partisë së Ramush Haradinajt.
Pas Shalës, nga NISMA është larguar edhe sekretari i Rinisë së NISMA-s në degën në Prishtinë njëherit kryetari i nëndegës së Dardanisë në Prishtinë, Lekë Shabani.
Shabani përmes një postimi në llogarinë e tij në rrjetin social Facebook ka thënë se pas shumë sfidash e pakënaqsish, pas zërit të tyre kritik të shtypur, janë detyruar të bashkohen me një grup tjetër politik, i cili sipas tij vlerëson bindjet e tyre dhe u beson atyre me përgjegjësi të reja.
Ai ka njoftuar se rrugëtimin e tij politik do ta vazhdojë përkrahë deputetit Haxhi Shala.
Po ashtu gjatë ditës së sotme ka pasur edhe largime të tjera, kryesisht nga forumet rinore të NISMA-s të cilët kanë dashur që të vazhdojnë ta përkrahin Shalën.
Ky është postimi i tij i plotë:
Prill 2014, i’u rreshtova Nisma Socialdemokrate duke qene i ftuar nga miku i familjes sime, z.Haxhi Shala, sebashku kaluam ne procese te ndryshme politike, duke themeluar dege e nendege ne çdo qytet e fshat te Kosoves, duke afruar miq e dashamir rreth projektit ne te cilin besuam, besuam se eshte i duhuri dhe do te ndertojme nje ambient meritokrat mbi baza ligjore e njerzore.
Sot, pas shume e shume sfidash e paknaqesish, pas zerit tone kritik te shtypur, jemi te detyruar te bashkohemi me nje grup tjeter politik, grup i cili na vlereson per bindjet qe kemi dhe na beson ne pergjegjesi te reja.
Andaj per hire te korrektesise jap doreheqje nga pozita e Kryetarit te nendeges se Dardanise dega Prishtine, Sekretarit te Rinise dega Prishtine, duke vazhduar rrugetimin politik perkrah deputetit Haxhi Shala.
