Ministrja e Punëve të Jashtme, Meliza Haradinaj-Stublla , përmes një postimi në facebook ka bërë të ditur se sot ka pasur një bisedë me Ministrin e Punëve të Jashtme të Lituanisë, Linas Linkevičius.
Ajo ka thënë se e ka falenderuar Ministrin për përkrahjen e Lituanisë, e cila është. Njohëse e hershme e Pavarësisë së Kosovës dhe përkrahëse e fuqizimit të subjektivitetit ndërkombëtar të Republikës së Kosovës,transmeton “Bota sot”.
Tutje ajo ka thënë se liberalizimi i vizave për qytetarët e Kosovës duhet të përmbyllet.
Postimi i plotë:
Pata një bisedë shumë konstruktive me Ministrin e Punëve të Jashtme të Lituanisë, Linas Linkevičius.
E falënderova për përkrahjen e Lituanisë, si njohëse hershme e Pavarësisë së Kosovës dhe përkrahëse e fuqizimit të subjektivitetit ndërkombëtar të Republikës së Kosovës.
Theksova që liberalizimi i vizave për qytetarët e Kosovës duhet të përmbyllet, dhe dialogu Kosovë-Serbi duhet të finalizohet me njohje reciproke në kufijtë ekzistues.