Ministri bullgar i Rinisë dhe Sportit, Radostin Vasilev ka pritur në një takim zyrtar me ministrin e Kulturës, Rinisë dhe Sportit të Kosovës, Hajrulla Çeku.
Të dy diskutuan për nënshkrimin e mundshëm të një memorandumi të bashkëpunimit rinor dhe sportiv gjatë vizitës së Vasilev në Prishtinë. Ai u zotua se Bullgaria do të hartojë dokumentin.
Çeku tha se Kosova përballet me vështirësi institucionale dhe strategjike në sport. “Bullgaria është e suksesshme në sportet që Kosova dëshiron ta zhvillojë dhe shpreson të ketë mbështetje”, tha ai.
Të dy zyrtarët folën për infrastrukturën sportive në vendet e tyre dhe u pajtuan se përballen me sfida serioze sa i përket objekteve sportive.
Vasilev theksoi rëndësinë e bashkëpunimit të mirë në rini dhe sport mes Bullgarisë dhe Kosovës.
Çeku shoqërohej nga ambasadori i Kosovës Delfin Pllana.
