Ivica Daçiq ka deklaruar se burgu në Scheveningen të Hagës është duke u bërë gati për të akuzuarit e parë të Gjykatës Speciale në Kosovë.
Ministri i Punëve të Jashtme të Serbisë, Ivica Daçiq ka deklaruar se burgu në Scheveningen të Hagës është duke u bërë gati për të akuzuarit e parë të Gjykatës Speciale për sipas tij, krime lufte nga Ushtria Çlirimtare e Kosovës ndaj serbëve në Kosovë.
Ai për “Veçernje Novosti” ka deklaruar se “një kat i burgut është bosh” duke pritur të akuzuarit.
“Besoj se ky informacion është paralajmërim për drejtësinë përfundimtare për të gjithë ata serbë dhe të vuajturit e tjerë të terroristëve të UÇK-së, tani në funksion në detyra të larta politike në Kosovë e Metohi”, deklaroi Daçiq.
