Nën përkujdesjen e kryeministrit të Kosovës Ramush Haradinaj dhe kryetarit të Komunës së Skenderajt, Bekim Jashari, të premten bëhet inaugurimi i Kompleksit Memorial të Dëshmorëve në Marinë.
Garda ceremoniale e FSK-së do të bëjë përcjelljen e rivarrimit të heronjve të kombit, komandantëve dhe kolosëve të Ushtrisë Çlirimtare të Kosovës Ilaz Kodra, Mujë Krasniqi dhe Abedin Rexha, nismë kjo e ndërmarrë nga kryetari Bekim Jashari pas marrjes së detyrës.
Ai me këtë rast fton të gjithë qytetarët që masovikisht të marrin pjesë në këtë manifestim për të nderuar dëshmorët e kombit të Ushtrisë Çlirimtare të Kosovës.
