Nuk duhet shumë kohë për t’u ndjerë sikur keni provuar gjithçka për të ndaluar të qarat e foshnjës suaj ose për ta vënë në gjumë.
Ekzistojnë disa metoda që do t’ju vijnë në ndihmë sa hap e mbyll sytë, sipas “Bright Side”.
Bëjini masazh në fytyrë.
Butësisht përdorni mollëzat e gishtave për të masazhuar fytyrën e foshnjës, duke përdorur lëvizje të vogla. Filloni me gishtat e mëdhenj mbi gojën e foshnjës dhe kaloni tek nofulla. Përsëriteni lëvizjen nga qendra e mjekrës drejt nofullës. Një metodë tjetër është të lëvizni gishtat nga hunda drejt ballit.
Hidhni mbi fytyrën e tyre një copë.
Një prekje e lehtë gudulisëse në fytyrën e foshnjës, si tek koka, balli ose hunda, mund të jetë shumë qetësuese për ta. Sidoqoftë, është e rëndësishme të mbani mend se të gjitha foshnjat janë të ndryshme, dhe disa mund të shqetësohen me këtë veprim.
Përdorni rregullin “5 Ss”.
Nëse po përpiqeni të vini foshnjën në gjumë gjatë natës, atëherë merrni parasysh metodën “5 Ss” të rekomanduar nga pediatri , Dr. Harvey Karp. Ato janë:
Mblidheni foshnjën me një pulovër: Kjo qetëson barkun dhe rrit shanset për gjumë.
Pozicioni anësor ose i shtrirë i stomakut: Mbajeni fëmijën të kthyer në krah ose me bark për ta ndihmuar të qetësohet.
Krijoni tingullin e njohur duke thënë “Shhhhh”: Dr. Harvey Karp sugjeron të bësh tinguj të tillë si “ssshhh, ssshhh” për të çlodhur dhe qetësuar foshnjën.
Lëkundja: Mbështetni kokën dhe qafën e foshnjës dhe lëkundeni para-mbrapa.
Thithja e biberonit: Kjo i qetëson foshnjat lehtësisht.
Ushqejini kur janë në gjumë.
Kjo teknikë mund të jetë e dobishme për ju që ta ndihmoni fëmijën të flejë gjatë gjithë natës duke parandaluar zgjimin e tyre nga uria. Ju duhet ta ushqeni foshnjën pak para se të shkoni në shtrat. Mund ta provoni këtë që në muajt e parë.
Provoni metodën “fjala 2 shkronja”.
Ju mund të zbuloni se përdorimi i tingujve si “oomm”, “hhmm” dhe “shh” mund t’ju ndihmojë të vendosni të voglin në gjumë. Këta tinguj të butë mund të tingëllojnë si gjaku i nënës që qarkullon rreth mitrës së saj, prandaj rekomandohet që t’i përsërisni rreth 80 herë në minutë (e njëjtë me rrahjet mesatare të zemrës së të rriturve).
Hapni rubinetin.
Kjo këshillë erdhi në vëmendjen tonë për shkak të videos së një gruaje që na tregoi se si mund të funksionojë në të vërtetë. Mund të provoni ta lini ujin të rrjedhë nga rubineti ndërsa mbani fëmijën pranë lavamanit.
Bëni zhurmë.
Përkundër asaj që mund të mendoni, disa fëmijë relaksohen nga zhurmat dhe dridhjet përreth tyre. Pra, bërja e punëve, si pastrimi me fshesë me korrent dhe gjëra të tjera që zakonisht bëjnë zhurmë mund t’i ndihmojnë ata që të flenë.
Ledhatojini lehtësisht kokën nga balli tek qafa.
Mbuloni sa më shumë kokën e fëmijës tuaj me dorë dhe butësisht filloni ta ledhatoni. Filloni nga balli deri në pjesën e pasme të qafës me një ritëm të ngadaltë e më pas më ritmik. Ky kontakt me lëkurën e foshnjës do t’ju ndihmojë t’i bëni të ndihen të sigurt.
