Dimë se gjumi është më se i nevojshëm për të pushuar nga një ditë e lodhshme dhe për rifitimin e energjisë për të filluar një ditë të re. Njerëzit e ndryshëm kanë shprehi të ndryshme para gjumit, që mund të jenë të mira dhe të ndihmojnë relaksimin dhe gjumin e qetë por edhe shprehi që pamundësojnë një gjumë të qetë.
Disa nga shprehitë e mira që do t’ju ndihmojnë ta bëni një gjumë më të qetë dhe të nesërmen të jeni më të organizuar për fillimin e një dite pune, janë si në vijim:
1.Gjithmonë lani dhëmbët para se të shkoni në shtrat.
2. Pini një gotë ujë të ngrohtë 5-10 minuta para gjumit. Mund të mbani pranë edhe një shishe uji gjatë natës.
3.Fikni telefonin / laptopët / çdo pajisje dixhitale 1 orë para gjumit.
4. Ju uroni natën e mirë familjarëve tuaj.
5. Përgatiteni çantën dhe gjërat tuaja, për ditën tjetër. Kjo ju ndihmon të jeni të qetë në vend që të nxitoni për gjëra në minutën e fundit.
6. Nxirrni nga dollapi dhe përgatisni rrobat tuaja për të nesërmen. Kështu që të siguroheni që ato janë të pastra, të hekurosura dhe e keni më lehtë t’i zgjedhni ato, pa qenë në nxitim.
7. Lexoni 1-2 kapituj të një libri.
8. Bëni dush. Kjo do t’ju relaksojë dhe do të lehtësojë “ardhjen” e gjumit.
9. Ndiqni një regjim të lëkurës gjatë natës. Gjithashtu, ata që kanë flokë të gjatë duhet t'i lidhin para gjumit.
10. Reflektoni, qëndroni në qetësi ose meditoni.
