MPB bën të ditur se ka parashtruar kallëzim penal ndaj ndërmarrjes “Ujësjellësi” në Manastir dhe drejtorit të kësaj ndërmarrje, 39-vjeçarit P.M.
Të njëjtit dyshohen për kryerjen e veprës penale “ndërtim pa leje”
“Sektori i Punëve të Brendshme Manastir ka paraqitur kallëzim penal kundër Ndërmarrjes Komunale “Ujësjellësi” – Manastir dhe kundër P.M.(39) nga Manastiri, U.D. drejtor i ndërmarrjes, për shkak të ekzistimit të shkaqeve të dyshimit për veprën penale “ndërtim pa leje”, që dënohet me nenin 244 nga Kodit Penal”.
“I raportuari i dytë, gjatë muajve prill dhe maj 2022, pa përgatitur dokumentacionin dhe projektin përkatës dhe pa leje ndërtimi, ka lejuar ndërtimin e një instalimi nëntokësor në një vend ku nuk kishte instalim të tillë më parë”, thonë nga MPB.
