Në Kuvendin e Maqedonisë filloi të diskutohet për zgjedhjen e Keti Petkovës për anëtare në Këshillin e Prokurorëve Publikë.
Sipas deputetit të OBRM-PDUKM-së, Zdravko Trajanov, kandidatja Petkova nuk i përmbush kushtet për t’u zgjedhur për anëtare.
“Kandidatja Keti nuk i përmbush kushtet e konkursit. Pse? Për shkak se në aplikim nuk ka parashtruar dokumente për punën shkencore, përkatësisht nuk ka dorëzuar dokument se është juriste e dalluar”, u shpreh Trajanov.
Sipas deputetes së LSDM-së, Marija Kostadinova, kandidatja nuk shkel ligjet dhe procedurat ligjore.
“Ligji nuk është decid rreth juristit të dalluar dhe e thatë se nuk është faji i saj, por rregullativa ligjore i mundëson të aplikojë në shpallje, që do të thotë se ju nuk kundërshtoni asgjë rreth profesinalitetit dhe shpalljes për shkak se kushtet ligjore janë përmbushur”, u shpreh Kostadinova.
