Çdo fëmijë ka të drejtën e shëndetit dhe mirëqenies së mirë dhe shkolla, si shtëpia e tyre e dytë, duhet të rrënjos shprehitë e jetës së shëndetshme dhe të jetë një mjedis i shëndetshëm për të mësuar dhe jetuar.
Këtu fëmija duhet të mësojë të kujdeset për veten dhe të tjerët dhe të ndërtojë kapacitete për t’u përballur me sëmundjet, varësitë dhe dhunën, tha ministri i Arsimit dhe Shkencës, Jeton Shaqiri
“Për Ministrinë e Arsimit dhe Shkencës, një nga prioritetet strategjike është krijimi i politikave, masave dhe aktiviteteve për të mbështetur shëndetin dhe mirëqenien e të rinjve në shkollat fillore dhe të mesme. Ne tejkaluam me sukses një krizë të madhe shëndetësore, e cila inicioi forcimin e mëtejshëm të shërbimeve profesionale. Në bashkëpunim me partnerët vendorë dhe ndërkombëtarë kemi ofruar trajnime cilësore për të optimizuar kapacitetet për t’i ndihmuar nxënësit në përballjen me stresin, ankthin dhe problemet e tjera të shëndetit mendor, si dhe për t’i udhëzuar nxënësit drejt zhvillimit të mekanizmave të shëndetshëm për ndërtimin e elasticitetit”, tha Shaqiri.
Vitin e kaluar dhe këtë vit, siç tha ai, rreth 700 bashkëpunëtorë profesionalë nga të gjitha shkollat fillore dhe të mesme janë trajnuar për ndihmë dhe mbështetje psikosociale në përmirësimin e mirëqenies dhe shëndetit mendor të fëmijëve dhe të rinjve në institucionet dhe mjediset arsimore, shëndetësore dhe përkujdesit, dhe janë pjesë e komuniteteve të shkëmbimit dhe mbështetjes kolegjiale. Në kuadër të ngritjes së kapaciteteve, ofrohen edhe trajnime për mësuesit, në mënyrë që ata të kuptojnë se nxënësi po përballet me sfida dhe të përfshijë bashkëpunëtorët profesionistë në tejkalimin e tyre.
