Ministria e Punëve të Brendshme ka njoftuar për një rast me fatalitet, që ka ndodhur në autoambulancën e Ndihmës së shpejtë, por që është denoncuar nga Klinika e Toksikologjisë.
Klinika e ka denoncuar rastin 4 ditë pasi ka ndodhur rasti.
“Më 21.12.2023, nga ana e policëve të Qendrës dhe Bit Pazar është vepruar në bazë të denoncimit nga Kompleksi i Klinikave “Nënë Tereza” se më 17.12.2023 në Klinikën e Toksikologjisë është pranuar një person i gjinisë mashkullore, i cili ishte sjell nga ekipi i Ndihmës së shpejtë ku edhe kishte vdekur.
Pas masave të ndërmarra nga policët është konstatuar se bëhet fjalë për personin S.P.(52) nga Shkupi. Ai është dorëzuar në Institutin për mjekësi ligjore për obduksion dhe më pas trupi i të ndjerit është dorëzuar për varrim”, qëndron në njoftim.
