MPB Maqedoni njofton se me datë 03.01.2024, në objektin e Departamentit për Krime Ndërkufitare, Migrim dhe Ripranim në Gjevgjeli, është bërë intervistë zyrtare me A.N.(33) nga Shkupi dhe D.T.(31) nga Gjevgjelia për shkak të ekzistimit të dyshimeve për kryerjen e veprës penale “kontrabandë me migrantë”.
“Rreth orës 11:10 në rrugën rajonale 1102, në drejtim Smokvicë – Prdejci, zyrtarë policorë nga Stacioni Policor Bogorodicë për kontroll kufitar dhe vëzhgim kufitar kanë vërejtur një automjet të pasagjerëve tip “Audi” me targa të Gjevgjelisë dhe një automjet “Mercedes” me targa të Shkupit, në të cilat transportoheshin persona migrantë”.
“Vetura “Audi” është gjetur në Gjevgjeli dhe në të janë gjetur dy personat, pas së cilës është kryer kontroll në oborrin e D.T., ku është gjetur automjeti “Mercedes” me pesë emigrantë nga Kina. Në oborrin e D.T. është gjetur edhe një automjet pasagjerësh “Volkswagen Passat” me targa të një automjeti tjetër”.
“Mërgimtarët dhe veturat janë vendosur në një qendër pranuese-transitore për procedurë të mëtutjeshme, ndërsa për ngjarjen është njoftuar edhe prokurori publik. Pas dokumentimit të plotë të rastit, ndaj personave do të bëhet kallëzim përkatës”, thuhet në njoftim.
