Rritje të pagave kërkon edhe Sindikata e Pavarur e Shtatë Instituteve Publike Shkencore që realizojnë programe studimore të ciklit të dytë dhe të tretë.
Sindikata kërkon takim me drejtuesit e institucioneve që të ndiqet shembulli me Universitetin “Shën Kirili dhe Metodi” për avancimin e të drejtave të punonjësve të tyre, të cilët në kushte të krizës ekonomike dhe të inflacionit dyshifror, janë sjellë të pragun e ekzistencës.
“Injorimi nga ana e ministrisë paraqet mospërfillje të obligimit për nënshkrimin e Marrëveshjes me të cilën do të harmonizohej rritja e shpenzimeve jetësore gjë që ka sjellë në një situatë kur sot një asistent – doktorant të marrë pagë shumë më të ulët se sa paga mesatare, ndërsa një pjesë e kuadrit administrativ të marrë pagë më të ulët se ajo minimale e përcaktuar me ligj.
Kjo qasje kundrejt punonjësve shkencorë dhe punëtorëve administrativë të instituteve shkencore publike me interes nacional, është skajshmërisht diskriminuese dhe e pa imagjinueshme për një shtet i cili pretendon të bëhet pjesë e shoqërisë evropiane”, thuhet në reagimin Sindikatës e cila i bënë thirrje Ministrit të Arsimit dhe Shkencës, që sa më parë ta nënshkruajë marrëveshjen e re kolektive për punonjësit e instituteve shkencore publike.
