Ka kaluar thuajse një vit që nga dalja e fundit e moderatores Marina Vjollca në ekran. Emisioni i fundit që ajo prezantoi ishte spektakli “C’est la vie”.
Por mesa duket fansat e Marinës nuk duhet të presin edhe shumë për ta parë moderatoren sërish në televizion. Duket se ajo e ka gati projektin e saj më të ri për vitin 2019.
Këtë e ka zbuluar motra e saj, moderatorja e njohur Luana Vjollca nëpërmjet një komenti në profilin e “Instagram”.
Luana ka postuar një video në “Instagram”, ku falenderon të gjithë ata që ndihmuan në realizimin e këtij sezoni të “Shiko kush luan”.
““Shiko Kush LUAN”
Krenaria ime me e madhe!
Sfida me e madhe!
Arritja me e madhe!
VETEM POR JA DOLA!
Faleminderiit publikut me te mire ne bote qe e keni perqafuar kaq fort kete program, i keni dhene jete!
Faleminderiit stafit me te mire ne bote (nje pjese e tyre jane ne klip,shfleto) per gjithe punen tuaj te palodhshme.
Faleminderiit Top Channel!
Shihemi ne sezonin e 3.
Kush mezi po pret qe tani ??? ?”, shkruan ajo në postimin e saj.
Këtu i ka komentuar Marina, e cila i shpreh asaj gjithë krenarinë për suksesin që Luana ka pasur në spektaklin “Shiko kush luan”. “Mezi po pres për bombën tënde tani jetë!”, i përgjigjet Luana.
Pra sipas Luanës, emisioni i ri i Marinës, jo vetëm që do të vijë së shpejti, por do të jetë një bombë e vërtetë. Motrat e njohura nuk kanë dhënë asnjë detaj më shumë lidhur me projektin e ri.
