Pas fejesës së motrës së vogël, Eni Koçi me këngëtarin, Genc Prelvukaj, Gretën nuk po e lënë rehat teksa e pyesin se kur do të martohet.
E këtë pyetje ia bënë edhe teksa ishte e ftuar një ditë më parë në emisionin “E Diell”. Moderatorët e ngacmuan këngëtaren e njohur se “rregullar” në shumë familje shqiptare e kanë që martohet njëherë motra e madhe, e pastaj ajo e vogla.
“Ashtu e kanë, po këto punë nuk paskan radhë. Të gjitha këto duan kohë dhe është proces ai që duhet të ndodhë në jetën e njeriut”, tha Greta, e cila shpjegoi edhe njëherë arsyet se pse deri tani nuk e ka gjetur dikë me të cilin të mendojë seriozisht.
“E rëndësishme është të arsimohesh, të kulturohesh, të kesh një karrierë të suksesshme, të jesh e zonja e vetes dhe burrin ta zgjedhësh në atë standard”, tha këngëtarja.
