Moderatori i njohur, Ermal Mamaqi, i ka bërë ndjekësit e tij mjaft konfuzë teksa ka publikuar një foto ku shfaqet me një trup muskuloz.
Por në fakt, në foton e postuar në “Instagram” dhe të modifikuar me “photoshop”, ai ka vendosur fytyrën e vet në trupin e një burri që është me muskuj.
Kështu ai ka dashur që të tërheqë vëmendjen e të gjithëve drejt projektit të tij më të ri, pasi krahas saj shkruan: “Gati për filmin tjetër”.
Një ditë më parë, “Xing” publikoi lajmin se Mamaqi është duke realizuar një tjetër film, nisur nga suksesi që pati me “Dy Gisht Mjaltë”, ku ai dhe Elvana Gjata ishin protagonistët kryesorë.
Me shaka ndjekësit i shkruajnë se i lumtë për trupin origjinal që ka bërë “pa photoshop dhe pa ilaçe”.
