Këngëtarja shqiptare me renome botërore, Dua Lipa, tash e disa muaj është duke e shijuar lidhjen me partnerin e saj të ri, Anwar Hadid.
Të njëjtit filluan romancën e tyre vetëm pak muaj pas ndarjes së artistes tonë nga modeli dhe kuzhinieri Isaac Carew.
Megjithatë, dyshja po vazhdojnë të shijojnë çdo moment pranë njëri-tjetrit, teksa tashmë shfaqen së bashku kudo, madje thuhet se së fundmi kanë marrë edhe një apartment në New York.
Përveç artistes Lipa, është edhe vëllai i motrave të famshme, Bellës dhe Gigit, Anwari, i cili ndan momente të veçanta me të dashurën e tij.
Një të tillë e ka publikuar së fundmi, derisa shfaqet duke i dhuruar puthje pasionante Duas, e që ky postim mori pëlqime dhe komente të llojllojshme nga fansat e dyshes.
Theksojmë që gjatë kësaj kohe ata morën vëmendje në Javën e Modës në New York, ku çifti u ulën në radhë të parë dhe mbështetën motrat e mëdha të Anwar në shfaqjen e Marc Jacobs, e cila u mbajt në një gjimnaz, ku vendet u shpërndanë nëpër auditor, duke i dhënë shfaqjes një ndjenjë shumë të çuditshme.
