Në “Rudina” në Tv Klan, modelja Diellza Kolgeci, rrëfeu, ndër të tjera, edhe për historinë e saj të dashurisë me Fisnik Rugovën, basketbollisti profesionist që luan për Prishtinën dhe Kombëtaren e Kosovës. Diellza dhe Fisniku kanë qenë pjesë e një shoqërie të përbashkët në Prishtinë, frekuentonin vende të njëjta, por janë dashur vite që ata të nisnin historinë e tyre të lidhjes.
“Kur kemi filluar tamam ka qenë para 2–3 viteve. Fisi më ka shkruar edhe më herët, jo se e kam injoruar por në fillim nuk e kam pëlqyer ashtu, e kam ndjekur si futbollist, se mua më pëlqen sporti, më pëlqente si sportist. Kur kemi qenë më shumë bashkë, me shoqëri më ka pëlqyer karakteri i tij, që është shumë i qetë, edhe me qenë nervoz është shumë i buzëqeshur. Pak a shumë e kemi të ngjashme këtë, por unë në shtëpi e tregoj, jam temperament. Shoqëria dhe vendet e njëjta janë ato që na ka lidhur“.
Modelja tregon se karakteri i tij e ka tërhequr së tepërmi, por nga ana tjetër ajo e ka të vështirë të përshkruajë me fjalë dashurinë për të, sepse dashuria sipas saj nuk mund të shpjegohet.
“Gjatë bisedimeve, kur flet me dikë më gjatë, janë ato shkëndija që unë gjithmonë them që kur dikë e ndjen vërtet, nuk mund të thuash që kjo ose ajo më bëri përshtypje. Gjithmonë femrat e kanë jo zeshkan, jo biond, mua këto më duken qesharake. Gjithmonë është diçka, një shkëndijë, nuk e dimë as vetë çfarë është. Por vetëm e dimë që është njeriu yt, njeriu i zemrës sate. Ndoshta ka qenë ajo qetësia e tij, por jo vetëm kjo, ka qenë diçka që nuk mund të përshkruhet me fjalë. Unë shpesh them ka qenë e shkruar nga Zoti”.
Edhe pse tani kanë një vajzë, çifti ende nuk ka bërë një dasmë, madje nuk është as në planet e afërta të tyre.
“Edhe më herët kur më kanë pyetur njerëzit kur do bëni një dasmë, çfarë ka të re. Nuk jam nga ato vajza që i preferoj shumë dasmat, edhe të shkoj përtoj. Jam marrë shumë me organizime, kam veshur shumë fustane të bardhë, kam reklamuar. Ndoshta ma ka hequr qejfin për të bërë dasmën time. Nuk them që ndoshta nuk ka për të patur fare. Edhe kur ke shoqëri të madhe, familje shumë të madhe është me të vërtetë stres dhe nuk e besoj se do kënaqem fort në dasmën time“,- u shpreh ajo.
