Shumë dasma të planifikuara për muajt mars, prill dhe maj janë shtyrë për shkak të pandemisë.
Por kjo nuk e pengoi çiftin Hayley Pitman dhe Harvey Skelton nga Britania.
Ata vendosën të martoheshin në Gloucestershire, Angli, fundjavën e kaluar por ceremonia u shty.
Në vend të kësaj, Hayley, një infermiere e NHS dhe Harvey, një trajner i rugby-t, u kurorëzuan në internet, në prani të familjes dhe miqve përmes video-lidhjes.
Këtu u bashkua edhe një mysafire e befasishme.
Ylli i pop-it, Ellie Goulding, u shfaq në lidhje dhe performoi këngën hit të saj të “Love Me Like You Do”, ndërsa çifti vallëzuan për herë të parë si bashkëshortë në dhomën e tyre të ndenjes.
“Paraqitja nga një prej këngëtarëve tanë të preferuar ishte thjesht qershia mbi torte, nuk mund ta besoja,” tha Hayley.
