Bashkëshortët ishin përpjekur të shpëtonin martesën e tyre në një ‘udhëtim familjar’ së bashku në Punta Cana.
Kim Kardashian është përpjekur të shpëtojë martesën e saj me Kanye West, pasi tendosja në marrëdhëniet e tyre u bë publike gjatë tubimit të tij të fushatës presidenciale në Karolinën e Jugut në fund të korrikut, shkruan DailyMail.
Bashkëshortët dhe katër fëmijët e tyre u panë duke dalë nga një avion privat, i cili u largua herët të dielën në mëngjes, pas një udhëtimi shtatë ditor në Republikën Dominikane.
Familja, tani, raportohet se po shkon në Kolorado pas një udhëtimi ‘shkëlqyes’.
Raportet e mëparshme në lidhje me udhëtimin e tyre shpjeguan se dyshja po udhëtojnë për çështjet martesore dhe zgjodhën të shkojnë së bashku, në mënyrë që të mund t’i zgjidhin problemet në privatësi.