Këngëtarja kosovare që jeton në Zvicër, Loredana Zefi ka dhënë një intervistë për Apple Music. Në intervistën 40 minutëshe, Loredana në një moment shpërtheu në lot.
Gazetarja e pyeti për babain e saj, gjë të cilën Loredanën e emocionoi shumë. Ajo tha se kjo është pika e dobët e saj ngase babai i saj ka vdekur një vit më parë.
Loredana ka thënë për Apple Music se flet katër gjuhë, anglishten, gjermanishten, shqipen dhe gjermanishten zvicerane (siç ajo e quan).
Loredana është pyetur edhe për akuzat e plakës zvicrane me akuzën se ajo i ka marrë afro 700 mijë franga.
“E tëra që mund të them është se unë jam e pafajshme. Nuk kam kryer ndonjë krim dhe nuk jam e tillë asnjëherë” ka thënë Loredana Zefi.
