Shqiptarët dhe bestytnitë kanë patur gjithnjë një lidhje të ngushtë. Aq shumë sa para çdo veprimi apo hapi do të pyesim ‘mos është keq?’.
Kur macja e zezë ‘ta pret’ rrugën, atëherë ju duhet ta ndryshoni drejtimin apo të ktheheni, pasi kjo eshte një shenjë fatkeqësie. Mos prisni thonjtë natën dhe mos u shihni në pasqyrë. Kujt nuk ia ka thënë gjyshja këto dy gjëra?
Nëse të kruhet dora e djathtë do te japësh para, por nëse të kruhet e majta, do të marrësh para. E shumë të tjera që do na duheshin orë të tëra t’i listonim.
Por, e keni dëgjua ndonjëherë teorinë, sipas së cilës duhet t’i frysh dorës kur prek qafën? Kjo duket se i paska ngel ves Luanës që nga fëmijëria dhe ende nuk i është hequr.
Moderatorja ka ndarë një video në Instastory, të shkëputur nga emisioni, ku pa vetëdije ajo prek qafën dhe më pas i fryn dorës.
“Më ka mbetur ves që e vogël që duhet fryrë dora pasi të prekësh qafën. Dhe duke qenë se skena është shtëpia ime sillem si në shtëpi.”- ka shkruar ajo krah videos.
Kujtojmë se “Shiko kush luan” po shkon drejt fundit dhe më 30 janar do jetë puntat e fundit. Ky sezon ka qenë shumë i suksesshëm teksa mbetet për tu parë se çfarë ka rezervuar Luana për javët e fundit.
