Chrissy Teigen është i vetmi personazh i njohur që Biden ndjek në Twitter! Reagimi i modeles i bën të gjithë për të qeshur

Mediale Vip

Chrissy Teigen është i vetmi personazh i njohur që Biden ndjek në Twitter! Reagimi i modeles i bën të gjithë për të qeshur

Më: 21 janar 2021 Në ora: 20:25
Chrissy Teigen, Joe Biden

Pas betimit si president, Joe Biden rimori akses në llogarinë e tij “Potus” në Twitter. Presidenti ndjek deri më tani vetëm 12 njerëz dhe personazhi i famshëm që ai ndjek është vetëm Chrissy Teigen. Biden ndjek bashkëshorten e tij, Zonjën e Parë Jill Biden, anëtarë të stafit dhe Teigen, që është bllokuar nga Donald Trump për disa vite.

Chrisyy bëri një reagim në Twitter sapo kuptoi se ishte e vetmja që Joe ndiqte në llogarinë e tij.

“OH ZOT!!!!!!!”, shkroi modelja 35-vjeçare, përkrah fotos së screenshot-it të listës së personave që ndjek Biden.

“Zemra ime, oh zot, mund të shoh më në fund postimet e presidentit në Twitter”, shtoi Chrissy.

Sigurisht që Chrissy Teigen nuk ngurroi të bënte shaka me këtë rast, duke u shprehur se “nuk do të bënte më kurrë postime në Twitter”, sepse Biden mund të shikojë tashmë çdo çmenduri të saj. Ditën e djeshme ajo i shkroi personalisht Biden në Twitter duke i kërkuar që t’i bënte “follow” para inaugurimit.

“Përshëndetje Joe Biden, unë jam bllokuar nga presidenti për 4 vite, a mund të marr një ‘follow’ të lutem”, i shkroi Chrissy.

Në vitin 2017 Trump bllokoi modelen, ndërkohë që ai kishte akses në llogarinë ‘Potus” në Twitter.

Image
Twitter
Shfaq komentet
comments powered by Disqus
Sot mund të lexoni Shfletoni kopertinat