Reperi i njohur Mozzik sot feston 23-vjetorin e lindjes. E në këtë ditë të veçantë, Mozzik bëri një urim falënderues, për prindërit, bashkëshorten Loredanën dhe fansat që e mbështetën në karrierën e tij.
Ai mori urime të shumta nga fansat, miqtë dhe familjarët. Por ai që tërhoqi më shumë vëmendjen ishte ai i partneres së tij, e cila konfirmoi në mënyrën më romantike që së shpejti do të bëhen tre.
Edhe pse ka kohë që po përflitet për shtatzëninë e Loredanës, as ajo dhe as reperi nuk kishin reaguar për të zbuluar ndonjë gjë rreth këtyre fjalëve.
“Gëzuar ditëlindjen Mozzik, përveç se je bashkëshorti im, ti je shoku im më i mirë. Në çdo njeri dua të ndryshoj diçka, por jo tek ti, për mua ti je perfekt. Ne do të presim shumë gjëra së bashku, njëri është shumë afër. Ti e di se çfarë dua të them. Përgjithmonë. Gëzuar ditëlindjen”, shkruan Loredana.