Nënkryetari i komunës, Faruk Mujka, ka pritur të enjten udhëheqësen e ekipit të projektit “Youth Employment Skills “ nga organizata gjermane GIZ, Julia Becker, e cila ishte e shoqëruar nga këshilltarja e këtij projekti Kumrije Kelmendi .
Mysafiret fillimisht e njoftuan nënkryetarin Mujka, në lidhje me këtë projekt, duke thënë se qëllimi i kësaj iniciative ka të bëjë me masat aktive të tregut të punës dhe me aftësimin profesional tek të rinjtë e Mitrovicës.
Ajo shtoj se në kuadër të këtij projekti do të organizohet panairi i punësimit me datën 12 prill, i cili pritet të mbahet ne Palestrën Sportive “Minatori’.
Me këtë rast kompanitë fillimisht do të paraqesin kërkesat , respektivisht vendet e lira të punës për të rinjtë që i kanë aftësitë të cilat përshtaten për biznes e cekura , ku më pas personat adekuat do të punësohen nëpër vendet e ndryshme të atyre kompanive pjesëmarrëse.
Nënkryetari i Komunës, Faruk Mujka, fillimisht e falënderoj përfaqësuesen e GIZ-it gjerman, Jualia Becker, për mbështetjen në vazhdimësi që është duke dhënë Qeveria Gjermane për qytetin e Mitrovicës, duke shtuar më pas se i vjen shumë mirë që me realizmin e këtyre projekteve, Mitrovica do të ketë rini më të avancuar në aspektin profesional dhe papunësia do të zbutet .
Vlen të theksohet se ky projekt është mbështetur nga Ministria Federale Gjermane për bashkëpunimin dhe Zhvillimin Ekonomik (BMZ),me partnerët implementues nga Ministria e Arsimit dhe Teknologjisë dhe Ministria e Punës dhe Mirëqenies Sociale , dhe se ky projekt ka hyrë në fuqi që nga viti 2017 dhe pritet të vazhdoj deri ne vitin 2020.