Agim Bahtiri: E mbështes kandidatin e Vetëvendosjes për kryetar komune, më tradhëtuan drejtuesit e shtetit - Bota Sot
Agim Bahtiri: E mbështes kandidatin e Vetëvendosjes për kryetar komune, më tradhëtuan drejtuesit e shtetit

Mitrovica

Agim Bahtiri: E mbështes kandidatin e Vetëvendosjes për kryetar komune, më tradhëtuan drejtuesit e shtetit

Më: 14 maj 2019 Në ora: 11:27
Agim Bahtiri: E mbështes kandidatin e Vetëvendosjes për kryetar komune, më tradhëtuan drejtuesit e shtetit

Kryetari i Mitrovicës, Agim Bahtiri ka thënë se publikisht e mbështetë kandidaturën e kandidatit të Vetëvendosjes për kryetar të komunës, Erden Atiq.

Sipas Bahtirit, ai është tradhëtuar nga drejtuesit e shtetit në synimin për bashkimin e qytetit.

“Ishte kënaqësi të takohem me kandidatin e Lëvizjes Vetëvendosje për kryetar të komunës Mitrovicës, z. Erden Atiq, të cilin në emrin tim dhe në emër të AKR-së e mbështes fuqishëm në këtë garë zgjedhore. Besoj që do të jetë zë i fuqishëm dhe person i denjë për t’i quar proceset përpara në të mirë të të gjithë qytetarëve që jetojnë në pjesë veriore të qytetit të Mitrovicës.

Duke e parë situatën aktuale në Mitrovicë jam i dëshpëruar me drejtuesit e shtetit të Republikës së Kosovës, të cilët më tradhëtuan në pikësynimin tim për bashkimin e qytetit, ku vetëm më përkrahën moralisht derisa e dorëzova peticionin dhe më pas heshtën e nuk vepruan për ta dërguar këtë iniciativë ligjore në Kuvendin e Kosovës.

Sikur të ishte mbajtur premtimi nga Presidenca dhe Kuvendi, sot nuk do të kishim pasur nevojë t’i shpallim zgjedhjet në këtë komunë, por do të ishin shpallur për një komunë të përbashkët, ku do të kandidoja edhe unë për kryetar.

Më vjen keq që sot disa udhëheqës shtetëror dalin me komunikata se janë për bashkimin e Mitrovicë, sepse ata asnjëherë nuk dëshmuan që janë për bashkimin e qytetit. Të njëjtit nuk kanë nevojë të dalin nëpër media, por nëse duan bashkimin e qytetit të Mitrovicë le ta dërgojnë në Kuvend peticionin që e kam dorëzuar unë dhe kështu të kalojnë nga fjalët e tyre boshe në vepra. Prandaj, kërkoj nga Kadri Veseli që ta bënë këtë veprim ose le të mos flet” ka thënë Bahtiri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...