Inspekcioni mbyll një lokal në qendër të Mitrovicës, lejoi klientët të ulen në tavolina - Bota Sot
Inspekcioni mbyll një lokal në qendër të Mitrovicës, lejoi klientët të ulen në tavolina

Mitrovica

Inspekcioni mbyll një lokal në qendër të Mitrovicës, lejoi klientët të ulen në tavolina

Më: 20 maj 2020 Në ora: 12:30
Ilustrim

Drejtoria e Inspekcionit nga inspektimet rutinore gjatë punës së tyre zyrtare, sot kanë mbyllur një lokal në sheshin e qytetit, pasi që nuk ka respektuar vendimin nga Qeveria e Kosovës. Faza e dytë e lehtësimit të masave parasheh që kafiteritë të ofrojnë shërbime “merr me vete”, ndërsa ky lokal u ka mundësuar qytetarëve të qëndrojnë në ulëset e lokalit.

“Me këtë rast inspektorët komunal përveç mbylljes së përkohshme të lokalit, kanë shqiptuar gjoba mandatore për pronarët për mos respektim të ligjit, ndërsa lidhur me procedurat tjera do të merren organet e rendit.

Gjithashtu drejtori i Inspeksionit, Hysni Ahmeti, bën thirrje tek të gjithë qytetarët dhe subjektet afariste të respektojnë të gjitha vendimet nga Qeveria dhe Komuna të ndërmarra si pasojë e përhapjes së virusit COVID-19, në të kundërtën ndaj të gjithë atyre që nuk zbatojnë këto vendime ne si drejtori do të marrim masa konform ligjeve në fuqi duke ndaluar zhvillimin e veprimtarive të këtyre subjekteve”, thuhet në njoftimin e Komunës së Mitrovicës.

Shfaq komentet
comments powered by Disqus
Sot mund të lexoni Shfletoni kopertinat