Mbi 1 milion euro investime nga FKEE në Mitrovicë

Mitrovica

Mbi 1 milion euro investime nga FKEE në Mitrovicë

Më: 22 dhjetor 2020 Në ora: 22:02
Pamje nga takimi

Nënkryetari i komunës, Faruk Mujka, ka pritur në takim drejtorin menaxhues të Fondit të Kosovës për Efiçiencë të Energjisë, Admir Shala, me të cilin ka nënshkruar pesë marrëveshje lidhur me masat e Efiçiencës së Energjisë për disa institucione në komunën e Mitrovicës.

Projekti i lartpërmendur do të realizohet në shkollën fillore “Skenderbeu”, në Qendrën e Mjekësisë Familjare në Bajgorë, në Kuvendin Komunal të Mitrovicës, në Qendrën e Mjekësisë në Bare, si dhe në Qendrën e Kulturës “Rexhep Mitrovica”, financim ky i përbashkët në mes të Qeverisë së Kosovës, Zyrës së BE-së dhe Bankës Botërore përmes Fondit të Kosovës për Efiçiencë të Energjisë.

Me këtë rast, nënkryetari Mujka ka falënderuar drejtorin menaxhues të FKEE, Admir Shala, për kontributin e dhënë drejt jetësimit të këtyre projekteve të rëndësishme për Mitrovicën.

Suke shtuar se bashkëpunimi i ndërsjellët do të vazhdojë edhe më tutje, pasi që kështu kemi impakte pozitive në mirëqenien e qytetarëve tanë.

Shfaq komentet
comments powered by Disqus
Sot mund të lexoni Shfletoni kopertinat