Kemi parë ceremoni të ndryshme kur një futbollit lë futbollin por kjo e italianit Ignazio Barbagallo është thuajse unike. 55-vjeçari futbollit amator, i njohur në siçili edhe si humorist, po luante ndeshjen e tij të fundit me skuadrën Viagrande. Ai kishte menduar që largimi i tij nga futbolli të mbeste në histori.
Kishte menduar të simulonte një rrëmbim të tijin nga mafia, që do të përdorte një helikopter dhe planin e vuri në jetë në ndeshjen e luajtur në shtëpi ndaj ekipit të Nebrodit.
Helikopteri vjen mbi fushë dhe të gjithë largohen. Një tymnajë të tillë do ta kishin zili edhe në studiot e Hollywood.
Persona me pistoleta dhe maska zbresin nga helikopteri dhe rrëmbejnë Barbagallo. Ata mbanin edhe një tabelë ku shkruhej: “Shërbimi i eliminimit të lojtarëve të mbaruar”.
Skenari i improvizuar pati dhe pasoja që tashmë do t’i vuajë klubi. Viagrande është dënuar me zhvillimin e ndeshjeve jashtë fushe për të gjithë muajin si dhe është gjobitur me 200 Euro.
