Vetëm fakti të jesh ballë për ballë me një gjarpër, do të mjaftonte që të trembeshin njerëzit. Por një baba me të bijën po i tregojnë botës se gjarpërinjtë nuk janë një specie për t’i patur frikë.
Një 39-vjeçar nga Surrey është pronar i dy pitonëve, Sonny 6-vjeçar dhe Cher 5-vjeçar. Ed Taoka dëshiron që të ndryshojë qëndrimin e njerëzve ndaj zvarranikëve.
Ai madje në profilet e tij në rrjetet sociale, tregon sesi e ka mësuar të bijën e tij 7-vjeçare që të mos i ketë frikë dhe të qëndrojë pranë tyre. Në fotot e publikuara online shihet se si Emi luan me gjarpërinjtë, aspak e trembur nga madhësia apo rreziku i tyre.
39-vjeçari është shprehur se nuk do ta linte asnjëherë vajzën e tij të pambikëqyrur me zvarranikët, por ka shtuar se ata janë më të mirë se sa njerëzit mund ta imagjinojnë.