Kosova tashmë ka hyrë në një pikë pa kthim të dialogut me Serbinë, sepse i e presidentit amerikan Donald Trump, Richard Grenell, vendosi pikën mbi “i”, dialog pa kthim.
Ky është realiteti, kjo duhet të ndodh dhe do ndodh sepse SHBA ka përcaktuar qartë të ardhmen e rajonit të Ballkanit drejt BE-së, por më parë zgjidhje e mërive të vjetra, dialogu mes Kosovës dhe Serbisë dhe më pas rajoni në një histori tjetër moderne.
Të gjitha shanset janë që të arrihet brenda ky viti, dialogu i pajtimit të madh, Serbi Kosovë dhe do jetë një ngjarje historike për Ballkanin, europën dhe më gjerë, madje një mesazh i madhe për gjithë vendet në konflikt në botë se përmes dialogut hiqen armiqësitë shekullore të kombeve, etnive e popujve të ndryshëm në konflikt.
Ballkani ka një plagë të vjetër që ngacmohet nga po politika e vjetër, në vend që të hirohet nga vuajtja e së shkuarës.
Kjo sëmundje prek të gjithë vendet e Ballkani dhe sindomi i së keqes politika e vjetër që vjen nga mendësi e pushteti të shkuarës, si diktaturat apo mendësitë e diktatorëve po i vret të ardhmen popujve të Ballkani, jo vetëm në aspektin e dialogut e fqinjësisë së mirë mes vendeve, pro dhe për sa i përket të ardhmes së qytetarëve të rajonit.
Edhe përplasjet e fundit mes liderëve shqiptar, Kosovë Shqipëri vijnë si produkt i politikës së vjetër, keqinformimit të liderëve nga klane të caktuar që i shërbejnë të shkuarës jo të ardhmes.
Kryeministri i Kosovës Haradinaj e tha troç, shumë njerëz kanë punuar për të krijuar një klimë të pafavorshme besimi për çështjen e Kosovës, duke e ofruar ndarjen e Kosovës si gjë të mirë, të pranueshme, përtej sovraniteti të Kosovës, kushtetutës, dëshirës së qytetarëve dhe vetë qeverisë së Kosovës apo qëndrimit të SHBA-së.
Askush nuk guxon ta ndajë Kosovën, askush nuk mund ta prek territorin e saj. Askush nuk mund të luaj me të ardhmen e Kosovës, pasi është çelësi i integrimit të gjithë rajoni, duke përcaktuar dhe pengu i integrimit është Serbia e cila vazhdon në saj të politikës së vjetër ta mbaj Ballkanin në zgrip, të kërcënuar, të varfër, të korruptuar sepse ende beson te e shkuara, te bolshevizmi, te konflikti, ideja e Serbisë dominuese në rajon.
Koha ka ndryshuar, rajoni është dominues kur është bashkë, pa konflikte. Rajoni është i fortë ekonomikisht kur heq barrierat doganore, taksat e dyfishta që paguajnë qytetarët e Ballkanit.
Rajoni është i fortë kur lëviz i lirë, kur tregtia, turizmi, kultura trajtohen si një produkt i tëre i rajoni, sepse ashtu është bashkë me elementët kulturor dhe madje dhe diversiteti i ngjarave dhe kolori e bënë akoma me të bukur kulturën ballkanase.
Këto jemi ne, të ashpër, kokë shkretë, por jetojmë në një kohë moderne dhe stonojmë me ashpërsinë tonë në kohë që po jetojmë.
