Dy drejtime, dy mendime, dy veprime lëvizin fshehurazi dhe haptazi, dje dhe sot, brenda shtatit tonë të sëmurë. Dy grupe shoqërore, dy ide politike të patakuara në asnjë pikë themelore çfaqen në fushën e veprimit shtetit Kosovës. Të parët bërtasin me zërin e ngjirur të zotëronjësve.
Të dytët protestojnë me zërin e tyre brenda tërësisë kaotike të veprimeve të përtashme qarkullonjëse. Ndoshta sepse të dytët nuk po i'a dalin apo nuk po i lejonë ta godasin korupsionin, thelbin e epokës; ndoshta sepse ata gabojnë me premtimet/përvijimet shoqërore; ndoshta sepse pikat që ata kërkojnë janë të zhytura në pjesën e ndytë të atmosferës të madhe të përpjekjeve patriotike...
Dhe prandaj puna pushoi, natën vonë, në 28 maj 2020. Një cipë e re, ra mbi fytyrat e tretura e të paqeshura të disa kritikëve, politikanëve, ndërkombëtarëve, biznesmenëve, analistëve të vjetër/rinj; ngase ata janë të destinuar të thonë fare pak gjëra brenda të vërtetave dhe thashethemeve, që padashur apo me dashje u krijuan/krijohen në Prishtinë, Uashington, Bruksel.
Po çuditërisht jo në Beograd (ku A.Vuçiç jeton në paqe me të vetët!? kur është fjala për bisedimet me Kosovën, dhe nuk u le as kosovarëve dhe as ndërkombëtarëve ndonjë shkak për tu ankuar.
Thua se ai, po luan me qarrin). Kështu brenda vetes tyre, të politikanëve të Kosovës, dy botë kanë zënë vend. Po: dy botë të pabashkuara; dy parime të kundërta jo vetëm me njëra tjetrën - po të kundërta edhe, me çfarë? Me veprimet e bëra, prej një kohe fort të gjatë, në Luftën e përbashkët heroike kosovare për liri e pavarësi.
Si përfundim. Përfaqësonjësit e të dytës morën emërin e gabuar të idealistëve dhe e paguan - i flakën nga pallati qeveritar në rrugë të madhe; të parët, e siguruan veten e tyre brenda qarkut në të cilin jetojnë "të dhjerrë por krenarë".
