Në Shqipëri pushteti ndërrohet kur duan ndërkombëtarët - Bota Sot
Në Shqipëri pushteti ndërrohet kur duan ndërkombëtarët

Opinione

Në Shqipëri pushteti ndërrohet kur duan ndërkombëtarët

Nga: Skënder Sadri Kapiti Më: 16 korrik 2020 Në ora: 14:56
Skënder Sadri Kapiti

Historiku i tranzicionit në Shqipëri ka qenë një histori demokracie formale, në dukje me shumë parti, me fushata elektorale dhe me mbajtje zgjedhjesh. Demokrtaci me akuza e kundër akuza për vjedhje votash, për manipulime të rezultateve të saj, pra një demokraci elektorale pa standarde, me konflikte, rrëmuja dhe tollovi demokratike që shpesh e kanë çuar Shqipërinë në anarki e buzë greminës. Ndërhyrjet e faktorit ndërkombëtarë kanë qenë vendimtare për te mos lejuar precipitimin e vëndit në rrëmujë e në kaos shoqëror sa herë që janë bërë zgjedhje në Shqipëri.

Por, ndërkombëtarëve në Shqipëri asnjëherë nuk u ka interesuar standardi dhe as demokracia e vërtetë në Shqipëri pasi  janë mjaftuar thjesht me këshilla formale. Atyre u ka intersuar  vetëm  “stabilokracia” politike në Shqipëri, pavarësisht krimit të korrupsionit dhe të atij elektoral që kanë  dominuar e sunduar Shqipërinë në këto 30 vite tranzicion.

Hipokrizia e tyre konsiston në atë se : duke qenë Shqipëria në një situatë të tillë paqëndrueshmërie të përhershme dhe me probleme me demokracinë, korrupsionin, vjedhjen dhe me ligjin atëhere, BE justifikohet me mospranimin nga ana e saj të Shqipërsë në BE për mos plotësim kushtesh e standardesh.

Nga ana tjetër mos integrimi i Shqipërisë në BE i shkon për shtati politikës dhe elitës politike shqiptare për ta mbajtur peng integrimin dhe për të lëvruar e përfituar prej  krimit ekonomik, politik,  me vjedhjet, me abuzimet  dhe me korrupsionin e lartë shtetëror.

Ndërkombëtarët gjithmonë i kanë “certifikuar” zgjedhjet dhe votimet në Shqipëri  sipas kutit matës dhe vlerësimit të tyre  sipas logjikës : “ishin zgjedhje që nuk plotësuan standardet por janë të pranueshme”. Ndërkombëtarët kanë bërë shurdhin dhe memecin edhe pse hapur regjimet politike në Shqipëri vidhnin ,trafikonin e manipulonin rezultatet e zgjedhjeve, dhe nuk ka qenë vështirë për të dalluar mbështetjet dhe preferencat e ndërkombëtarëve  për pushtetin dhe për opozitën.

Nëse qeveria e pushteti u pëlqente inreresave të ndërkombëtarëve qeveria  kishte OK-in dhe dakordësinë prej tyre për të manipuluar zgjedhjet dhe për të qëndruar në pushtet edhe për të dytën  herë. Kështu vepruan ndërkombëtarët me pushtetin e Berishës në vitin 2013, kur korrupsioni dhe keqqeverisja ishin në kulmin e tyre, dhe e mbajtën për së dyti herë Berishën Kryeministër pavarësisht dokumentimit të vjedhjes së votave në kutitë e votimit.

Dhe po kështu ndërkombëtarët vepruan po në të njëjtën mënyrë edhe me Edi Ramën në zgjedhjet e vitit 2017 si dhe në zgjedhjet e manipuluara dhe të votave të blera vendore antidemokratike e njëpartiake të mëpastajme. Ndryshimin e pushteteve në Shqipëri nderkombetarët e bëjnë vetëm kur “piqen kushtet”, që do të thotë atëhere kur degradon rëndë pushteti e keqqeverisja nga autoritarizmi, krimi, hajnija e papërgjegjshmëria e pushtetit  dhe kur dëshirojnë ndërkombëtarët për ta bërë ndryshimin dhe rotacionin politik në Shqipëri, kur japin ata  sinjalin dhe urdhërin ndodh edhe ndryshimi i qeverisjes.

Duke qenë realiteti ky, atëhere edhe politika shqiptare si pushteti ashtu edhe opozita garojnë ndërmjet tyre me politikë servile ndaj ndërkombëtarëve pasi e dinë se mbeshtetja prej ndërkombetarëve është  faktori vendimtar se kush qeveris në Shqipëri, pasi shqiptarët nuk janë në gjëndje për ta bërë e ndërtuar shtetin ligjor e demokratik, demokracinë dhe ligjin me standarde modernë  dhe as funksionalë, pasi elita politike shqiptare në këto drejtime ka 30 vite që ka dështuar.

Shfaq komentet
comments powered by Disqus
Sot mund të lexoni Shfletoni kopertinat