Këtë të enjte, Partia Socialiste e Shqipërisë kërkoi nga deputetët e Kuvendit të Shqipërisë të miratojnë rezolutën mbi pa-bazueshmërinë e pretendimeve të ngritura në raportin e Dick Marty-t për Kosovën. Kjo tentativë e Edi Ramës për të maskuar lidhjet e tija me Vuçiqin nuk është as e sinqertë dhe as në kohë. Para pak kohësh, po deputetët e PS të Ramës votuan kundër dënimit të Masakrës së Srebrenicës, të njëjtit rezolutën për Kosovën është dashur ta votonin qysh moti.
Përmbajtja e rezolutës për trafikim organesh të përmendur nga Rama dhe Balla në Kuvend, pjesë e rezolutës është nul ngase ka rënë, pasi hetimet nga prokurori Williamson nuk janë gjetur fakte.
Tentativa e Ramës për të marrë bajrakun e flamurit për të mbrojtur UÇK-në me nëpërkëmbjen e emrit të Adem Jasharit për qëllime politike të kamuflimit të pazareve me Vuçiqin shpërfytyrojnë publikisht figurën e tij të vërtetë. Njeriu kryesor i Vuçiqit dhe promotor i projektit serbo-rus nën emërimin e " Open Ballkan", e cila synim kryesor ka dominimin e serbëve në kurriz të shqiptarëve, s`mund të jetë asnjëherë atdhetar.
Se kjo rezolutë është marketing i Ramës kuptohet edhe nga promovimi i saj me gjendjen aspak të vërtetë, e vërteta është kjo: Ata që janë në Hagë akuzohen jo për trafikim organesh, e cila e thamë edhe më parë se ka ra si akuzë. Hashimi dhe të tjerët akuzohen për krime kundër njerëzimit, shkelje të ligjeve dhe zakoneve të luftës. Ata akuzohen edhe për vrasje të shqiptarëve.
Për më tepër janë po ata që e kanë themelua këtë gjykatë, bënin presion edhe tek të tjerët për ta votuar këtë gjykatë. Në krejt këtë nismë të Ramës qëndron vetëm një e vërtetë, dëshira për ta pasur Hashim Thaçin të lirë. Hashimi i duhet i lirë për të realizuar projektin e "Open Ballkan", në trinomin e tyre bashkë me Aleksandrin. Hashimi nuk përfaqëson UÇK-në, në Hagë përfaqëson vetën, aty ku synonte t'i dërgonte të tjerët ra vet. Rama dhe Hashimi, imazhi më i shëmtuar për dy shtete shqiptare.
