Të nderuar ekselenca e Juaj, duke e mbrojtur të drejtën dhe të vërtetën e Kosovës e jepni testin e demokracisë dhe të lirisë, ndërsa me përkëdheljen që ia bëni Serbisë gjenocidale për ta shkëputur nga Rusia, do ta pësoni debaklin tuaj diplomatik, politik, dhe debaklin moral njerëzor.
Antony Blinken, Derek Cholet, Gabriel Escobar, Chritopher Hill e Jefrey Honevoer, nga SHBA-të, dhe Hoseph Borrëll e Miroslav Lajçak nga BE-ja, e Jens Stoltenberg-Shefi i NATO-s, me veprimet e tyre pro serbe, që dëshmohet me ndihmat ekonomikedhe eushtarake për Serbinë, të cilën ende nuk arrini ta detyroni t’i vendosën sanksione Rusisë, ndërsa ju pa hezitim i vendosët masa kufizuese Kosovës, të jeni të sigurtë se ju pret një disfatë e turpshme gjeostrategjike.
Serbinë gjenocidale do ta detyroni te shkëputet nga Rusia vetëm sanksionet e ashpra, ndaljen e ndihmave ekonomike dhe me armatosjen dhe pranimin e Kosovës në NATO, ndryshe, siç po veproni ju, Serbia do tu shfrytëzojë maksimalisht, e më pastaj do tu tradhtojë dhe do të bëhet armiku më i madh i juaji në Ballkan.
Marko Gjuriq-ambasadori i Serbisë gjenocidale në SHBA, që ishte organizatori kryesor i djegies së ambasadës së SHBS-ve në Beograd në vitin 2008, fillimisht e mashtroi Gabriel Escobarin duke ia organizuar bashkëshortes së Escobarit ekspozitën në Beograd, , tani e ka mashtruar edhe Departamentin Amerikan të Shtëtit, duke organizuar vizitën e delegacionit të Listës Serbe në SHBA.
Ndërkohë që e sanksionuat Kosovën me vizitat e saj të nivelit të lartë në SHBA dhe e larguat Kosovën nga stërvitjet ushtarake të Defender 23.
Ky veprim i padrejtë i SHBA-ve. i BE-së dhe i NATO-s ndaj Kosovës pro SHBA, pro BE dhe pro NATO, nuk është menduar mirë dhe do tu kushtojë shumë shtrenjtë.
Ekselenca Juj Joe Biden-President i SHBA-ve, Olaf Scholz-Kancela i Gjermanisë, Rishi Sunak-kryeministër i Mbretërisë së Bashkuar, Emanuel Macron-President Francës dhe Giorgia Meloni-Kryeministre e Italisë, për ta kuptuar më mirë se kush është Serbia gjenocidale, e cila po ju mashtron çdo ditë, po jua dërgoj t’i lexoni me vëmendje dy tekste të shkruara nga dy zonja serbe, njëra nga Vojvodina dhe tjetra nga Beogradi, të botuara në ‘Bota Sot’, në mediumin më të pavarur mbarë shqiptar me seli në Prishtinë dhe në Zvicër, si vijon:
Trondit gruaja e Drashkoviqit dhe zbulon sekretin: Koloneli i shërbimit sekret serbo-rus po përgatitet për luftime të reja në Kosovë
Drashkoviq: Komandanti i Legias mbeti i pandëshkuar për vrasjen e 68 anëtarëve të familjes së Adem Jasharit në Drenicë
Danica Drashkoviq, gruaja e ish-ministrit të Jashtëm serb Vuk Drashkoviç dhe motra e Veselin Boshkoviqit, ka shkruar për lirimin nga burgu të major Fiçiqit, kolonel i shërbimit sekret serbo-rus dhe komandant i Beretave të Kuqe, Legija.
Një prej viktimave të sulmit të vitit 1999 në Ibarska Magistrala, ka numëruar të gjitha krimet e kryera nga ai, duke përmendur këtu edhe vrasjen e 68 anëtarëve të familjes së Adem Jasharit në Kosovë, përcjell Bota sot.
Sipas saj, ai mbeti i pandëshkuar për “terrorin e paparë ndaj shqiptarëve, për vrasjen e gjashtë të rinjve serbë në kafenenë “Panda” në Pejë, për vrasjen e vëllezërve Bytyqi, për frigoriferët e kamionëve me trupat e shqiptarëve të vrarë që u transferuan në Serbi dhe u zhytën në liqene për të mbuluar krimet”.
Drashkoviq ka cituar disa ish-oficerë të inteligjencës, që thonë se ai u lirua për t'u përgatitur për luftime të reja në Kosovë
Legija është zemra e Serbisë
Autore: Danica Draskoviq 20. 07. 2023. 19:52
Nuk ka kaluar shumë kohë nga ndryshimi i pozitës së kryetarit të Gjykatës së Lartë në Beograd dhe në Zabela tashmë është një aksion i ri i Legijas për të abuzuar me grevën false të urisë për të arritur takime dashurie dhe për të shtuar sojin e tij në një burg më të lehtë.
Deri më tani ka pasur disa procese të ngjashme, por pa sukses, prandaj shpreson te kryetari i ri i Gjykatës së Lartë, ndoshta me të drejtë.
Ndërkohë nga Kina ka ardhur edhe major Fiça dhe shërbimi sekret serbo-rus planifikon si një sekt të mbrojë bashkëvrasësit e tij.
Ai ka një vendndodhje të përsosur strategjike nga vilat luksoze në Deliblatska Pescara dhe Fruska Gora, ndaj, të gjithë vrasësit e akuzuar për vrasjen e Slavko Çuruvija u liruan pa gjyq.
Vendimi është lirues dhe pritet të shpallet në kohën e përshtatshme.
Hetimet për të shtënat me armë zjarri ndaj studentëve serbë në kafenenë 'Panda' në Pejë në vitin 1998 janë ndërprerë plotësisht.
Prandaj, nuk është rastësi që terroristi shtetëror numër një dhe vrasësi serial, koloneli i shërbimit sekret serbo-rus dhe komandanti i Beretave të Kuqe, Legija, tashmë është sërish subjekt i të gjitha mediave shtetërore.
Nga faqet e para të gazetave të regjimit, ai lutet të transferohet në një burg më të lehtë dhe të krijoj fëmijë me gruan e tij mes grumbullit të kufomave që la pas.
Tabloidët gjithsesi e bëjnë atë hero të orgjisë vrastare serbe në luftërat e viteve 1990, të cilën duket se do të donin ta përsërisnin me të.
Për ata që kanë lindur pas luftërave dhe për të gjithë ata që kanë harruar pse ky përbindësh është në burg, le të kujtojmë disa gjëra:
Ai vrau vëllanë tim dhe tre të rinj të tjerë në Ibarska Magistrala, dhe u dënua me 40 vjet burg.
Ai vrau Ivan Stamboliçin, ish-presidentin e Serbisë dhe u dënua me 40 vjet burg.
Ai vrau kryeministrin serb Zoran Gjingjiq dhe u dënua me 40 vjet burg.
Ai vrau 7 persona me klanin e tij të Zemunit, organizoi katër rrëmbime dhe dy sulme terroriste dhe u dënua me 40 vjet të tjera burg.
Gjithsej 160 vjet.
Dhe për fat të keq, ai mbeti i pandëshkuar për shumë nga krimet më të tmerrshme të kryera nga inteligjenca serbo-ruse gjatë mandatit të tij.
Ai mbeti i pandëshkuar për vrasjen e gjyqtarit Nebojsha Simeunoviq.
Ai mbeti i pandëshkuar për vrasjen e 68 anëtarëve të familjes së Adem Jasharit në Kosovë, në Drenicë.
Ai mbeti gjithashtu i pandëshkuar për terrorin e paparë ndaj shqiptarëve, për grabitjen, për përdhunimin dhe për dëbimin e tyre nga Kosova.
Gjithashtu, ai nuk është dënuar për vrasjen e gjashtë të rinjve serbë në kafenenë “Panda” në Pejë, për vrasjen e vëllezërve Bytyqi shtetas amerikanë, për frigoriferët e kamionëve me trupat e shqiptarëve të vrarë që u transferuan në Serbi dhe u zhytën në liqene për të mbuluar krimet.
Ai nuk u dënua as për transferimin e trupave të pajetë në varrezat masive dhe për trajnimin e policëve serbë për të grabitur bankat në Kroaci dhe Bosnje, me ndihmën e "Tigrave" të Zeljko Razhnatoviqit.
Ai mbeti i pandëshkuar edhe për shumë krime të tjera në ish-Jugosllavi.
Duhet të pyesim veten se çfarë kombi i sëmurë jemi nëse e pikturojmë me shkronja të arta një vrasës të tillë serial dhe e lejojmë të flasë për dashurinë dhe për të drejtat e tjera në burg që nuk iu mohuan kurrë, por që i gëzonte në mënyrë të paligjshme, pavarësisht rregullave në fuqi për të burgosurit e tjerë.
Madje në këtë burg ai botoi 22 libra pa të drejtë autoriale.
Dhe kujt duhet t'i drejtohen fëmijët dhe familjet e shumta të njerëzve që ai vrau?
Si të mbrohen të drejtat e rrezikuara seriozisht të atyre fëmijëve që u rriten pa prindër dhe pa punë, aq më tepër që shteti i bëri jetimë dhe nuk u interesua kurrë për vuajtjet e tyre?
Përkundrazi, shteti rrezikoi të drejtat e të vejave të tyre dhe askush nuk u kujdes për to dhe nuk ua zgjidhi problemet.
Edhe sot familjet që janë viktima të terrorizmit shtetëror janë të izoluara sepse janë dëshmitarë të padashur të krimeve të tmerrshme të shtetit.
A mund ta imagjinoni në një vend të botës së qytetëruar që një vrasës dhe terrorist i tillë të bëhet yll i programeve televizive dhe tabloideve.
Kjo është absolutisht e paimagjinueshme, e lëre më e mundur.
Në vend të kësaj, ai do të merrte një dënim të përjetshëm dhe do të përfundonte në burgun më të rëndë, i harruar nga të gjithë.
Mirëpo, ajo që është turp për popujt dhe shtetet e qytetëruara është krenari në Serbinë e UDB-së, e cila ka një traditë të gjatë krimesh të tmerrshme.
Në Serbi, kriminelët e luftës, terroristët shtetërorë, vrasësit dhe kriminelët e dënuar nga gjykata e Hagës festohen si heronj dhe askush nuk i përmend viktimat e lëre më t'i vajtojë ato.
Sepse në Serbi krimet dhe vrasjet janë një politikë konstante shtetërore e adoptuar nga inteligjenca ruse.
Ithtarët dhe oficerët e Udbasë në Serbi ecin çdo ditë bashkë, kanë të njëjtat frekuenca mendore dhe jo vetëm që lavdërojnë ata që janë dënuar nga e gjithë bota, por edhe nxisin urrejtje dhe konflikte me fqinjët për të përsëritur të keqen pa të cilën nuk mund të jetojnë sepse është kodi i tyre gjenetik.
Sot, Legija dhe beretat e tij gjakatare si duket i nevojiten sërish shtetit për fushata të reja ushtarake që do ta kthejnë Serbinë në të kaluarën e saj të turpshme, sepse nga këtu rrjedh fama e tij e zezë, që ia zgjeron të drejtat e tij në burg dhe ia shëron vuajtjet e tij të dashurisë.
Ndërsa gjithçka që ndodh në këtë teatër të pistë, e ka vetëm një qëllim:
Për ta fshehur sekretin publik se ai ka dy vjet që është i lirë.
Disa ish-oficerë të inteligjencës thonë se ai u lirua për t'u përgatitur për luftime të reja në Kosovë.
Planifikuesit e krimeve të reja kanë nevojë për një njeri që ka vrarë një president, një kryeministër dhe qindra njerëz për ta rehabilituar më pas para drejtësisë.
Kanë nevojë për një njeri që do t'i përmbush lehtësisht dhe me mjeshtëri kërkesat e UDB-së dhe që do ta sundon këtë vend të pushtuar për vite e dekada duke përhapur frikë, duke vrare dhe duke grumbuar katastrofa të reja.
Nëse strategjia shtetërore kthehet në vitet 1990, që lanë pas krime dhe masakra të tmerrshme, Legia do të shpallet hero dhe patriot dhe do të mbetet në kujtesën e popullit jo si një terrorist shtetëror dhe një vrasës mizor, por si një hero kombëtar.
Nëse shërbimit sekret serbo-rus nuk do t'i duhej Legija dhe duart dhe veprat e tij të përgjakura, nuk do të kishte diskutime të përditshme nga tifozët e UDB-së për të drejtat e njeriut të terroristit shtetëror numër një.
Autorja është gruaja e ish-ministrit të Jashtëm serb Vuk Draškoviçit dhe motra e Veselin Boshkoviqit, një prej viktimave të sulmit të vitit 1999 në Ibarskka Magistrala.
Zonja nga Novi Sadi i Serbisë Bojana Vatiq, më 2 korrik 2023, në portalin e saj botoi një tekst manifest pragmatik në mbështetje të Kosovës dhe të kryeministrit Albin Kurti, njoftoi “Bota Sot” në WEB faqen e saj në rubrikën e lajmeve në aktuale.
Bojana Vatiq nga Novi Sadi “shokon”Serbinë, mbështet plotësisht Kurtin:Ai nuk ka vrarë, ja pse e shqetëson Vuçiqin
Në fotograsi Bojana Vatiq
Bojana Vatiq, nënkryetare e klubit të Vojvodinës, ka publikuar në portalin e Novi Sadit “Autonomija”, një shkrim në mbështetje të kryeministrit të Kosovës Albin Kurti.
Ajo ndër tjerash, ka thënë se Kurti nuk ka vjedhur dhe nuk ka vrarë, por ka mbrojtur popullin e Kosovës nga politika kriminale e Sllobodan Millosheviqit, përcjell Bota sot.
Ajo ka kërkuar që të mos barazohet Kurti me Vuçiqin, pasi ata sipas saj, nuk janë njësoj dhe ai nuk është as si Hahim Thaçi.
Vatiq ka theksuar se Serbia i ka bërë aq shumë keq shqiptarëve dhe Kosovës, sa nuk do të falet kurrë.
Lexojeni shkrimin e plotë, të transmetuar nga “Bota sot”:
"Serbia u ka bërë aq shumë keq shqiptarëve dhe Kosovës, sa nuk do të falet kurrë. Dhe ata po falin. . . "
Pse e shqetëson kryeministri i Kosovës, Albin Kurti, këtë qeveri dhe opozitën nacionaliste, si dhe shoqërinë shumicë serbe të helmuar nga propaganda?
Së pari, sepse nuk kanë gjalpë në kokë, si ata që janë në skenën politike në Serbi.
Sepse ai nuk ishte i përfshirë me ta.
Ai nuk ka vjedhur, nuk ka vrarë, nuk ka bërë krime.
Sepse ai u arrestua dhe u burgos, sepse mori pjesë në demonstratat kundër Sllobodan Millosheviqit, duke mbrojtur popullin e tij nga politika kriminale e Millosheviqit.
Çfarë pret opozita nacionaliste e Serbisë nga ata që filluan luftërat, që ishin frymëzuesit e tyre, që punuan me përkushtim dhe sistematikisht në propagandën e luftës, morën pjesë në luftën e Kosovës, morën pjesë në terror ndaj popullatës shqiptare?
Që ndihen përgjegjës sot?Ata që ishin pjesëmarrësit e tij, frymëzuesit, krijuesit, nxitësit dhe bashkëpunëtorët e tij?!
Pse kanë armiqësi ndaj Kurtit?
Ata e kanë atë, sepse Kurti u jep rezistencën përfundimtare ëndrrave të tyre të mëdha dhjetëvjeçare serbe dhe shfaqjes së tyre të forcës, edhe kur ata dhe politika të tilla janë plotësisht të mundura.
Sepse Kurti ka ende mbështetjen e gjithë komunitetit ndërkombëtar.
Sepse Kurti i tyre nuk është Thaçi.
Dhe ne të gjithë do të dëshironim të ishte.
Sepse, përveç gjithë kësaj, Albin Kurti ka treguar se është një zotëri, ndryshe nga shumica e nacional-shovinistëve në skenën politike serbe, dhe se përkundër sakrificave të mëdha në spastrimin etnik të popullit shqiptar, Kurti sot i shtrin dorën e pajtimin dhe ndërton politikën e paqes, ndërton institucionet e Kosovës dhe shoqërinë demokratike, duke mos dashur në të njëjtën kohë asnjë kompromis të kalbur me ata që mundohen t'ia heqin asaj dhe Kosovës.
Sepse Kurti i paralajmëron ata.
Sepse si kryeministër i Kosovës, ai beson se Kosova nuk është as shqiptare e as serbe, por një shoqëri civile multietnike. Edhe pse që nga shpallja e pavarësisë, 93 për qind të popullsisë e përbëjnë shqiptarët, ai nuk e nacionalizon shoqërinë kosovare dhe beson se formimi i Asociacionit të Komunave Serbe në Kosovë nuk është i mundur për shkak se është në kundërshtim me Kushtetutën e Kosovës, shtetin e Kosovës.
Sepse ai beson me të drejtë të plotë se Serbia duhet të kompensojë dëmin që ia ka shkaktuar Kosovës.
Sepse Serbia ka bërë krime në Kosovë!
Ju shtrohet pyetja "jobërës", "bërës të mirë", qytetarë të rremë, demokratë të rremë dhe shovinistë të fshehtë.
Çfarë nuk është e qartë për ju?
Dhe çfarë doni më shumë se çfarë nuk keni?
Opozita demokratike, kush tha ndonjë gjë për civilët shqiptarë dhe fëmijët e hedhur në gropa në Batajnicë kur ju erdhët në pushtet?
Sa i keni përballuar të gjitha krimet duke bërë një përzgjedhje se çfarë mund dhe çfarë nuk mund të paraqitet në publik?
Kufomat e kujt janë sjellë nga Kosova në frigoriferë vetëm pak kilometra larg Beogradit tuaj?
Kush e pengoi njohjen e së vërtetës? Kush i varrosi më në fund ato viktima edhe pasi Sllobodan Millosheviqit, i cili u gjykua për krimin?
Dhe ku është, më në fund, përgjegjësia juaj sot?Kush të jep të drejtë ti ankohesh Kurtit, kryeministrit të Kosovës, shqiptarit, që po lufton kriminelët dhe amanetin e viteve 1990, se nuk po bën diçka të mire në vendin e tij se ka të bëjë me Vuçiqin, sepse në thelb ju nuk bëni dallime fare për këtë.
Sepse nuk i kalon “vijat e kuqe”!
Dhe mos e barazoni Kurtin me Vuçiqin se nuk janë njësoj.
Mos relativizoni gjithçka për këto 30 vite dhe sot konfliktin në Kosovë.
Serbia i ka bërë aq shumë keq shqiptarëve dhe Kosovës, sa nuk do të falet kurrë.
Dhe ata falin.
Pavarësisht gjithçkaje, ata duan paqe, duan një të ardhme, duan që t'i lini të qetë, pavarësisht të gjitha të këqijat që u janë shkaktuar nga Beogradi në tridhjetë vitet e fundit dhe secili prej jush mban një pjesë të kësaj përgjegjësie.
Po kërkoni të drejta, po kërkoni zgjidhje më të mira, ju që nuk meritonit asgjë, as manastiret serbe në Kosovë, të cilat, meqë ra fjala, ruheshin nga po ata shqiptarë ndërsa“gardianët e Serbisë” dogjën çdo xhami në Bosnje dhe gjithçka që nuk ishte në dy këmbët serbe.
Po kërkoni diçka sot?
Vetëm ju, të gjithë kolektivisht, mund të gjunjëzoheni si i madhi Ëilly Brant në Varshavë dhe të kërkoni falje të vërtetë nga të gjithë ata që keni dëmtuar dhe të lani njollën nga populli serb.
Dhe ju që keni bërë keq
dhe ju që nuk gjykoheni
dhe ju që gjykoheni
dhe ju gjykoni
dhe juve që heshtni aktin dhe që sot nuk ju lejohet ta paraqisni atë të vërtetë.
Kështu që ndoshta atëherë do të faleni.
Mbështeje e plotë për institucionet e Kosovës në zbatim të demokracisë, thotë në fund Bojana Vatiq.
Të nderuar ekselenca Juaj, këto dy tekste flasin qartë e bindshëm se Departamenti Amerikan I Shtetit dhe BE-ja me Joseph Borrellin e Miroslav Lajçakun, se dialogun Kosovë-Serbi, nuk e kanë kapur nga Koka po nga bishti.
Nuk e sanksionojnë Serbinë gjenocidale, që po e rikthen doktrinën e kriminelit Sllobodan Millosheviq, nëpërmjet kriminelit Aleksandër Vuçiq dhe kriminelit Ivica Daçiq, që i kanë përlyer duart gjer në bërryl suke i vrarë e masakruar shqiptarët e pafajshëm në Kosovë, nuk e sanksionojnë Serbinë, dhe nuk e detyrojnë që t’i largojë nga Veriu i Kosovës strukturat paralele serbe, bandat e armatosura serbe, dhe kontrabandistët kriminelë serbë, por e sanksionojnë dhe e kushtëzojnë Kosovën pro SHBA. , pro BE dhe pro NATO. Ky është gabim shumë i rëndë.
