Nga pensionimi politik "del" herë pas here për të kritikuar kryeministrin Albin Kurti. Ndaj askujt nuk reagon më përjashtim të Kurtit, duket se ende nuk ia ka fal Kurtit që e dërgoi në pension. Isa Mustafa këtë radhë ka reaguar ndaj deklaratës së kryeministrit Albin Kurti i cili tha se zgjedhjet tani do ta zhduknin opozitën. Një deklaratë simbolike në sensin e tkurrjes së opozitës deri në "asgjësim", Isa mori hov për të rikujtuar edhe deklaratën e tij të famshëm me " duar në xhepa".
Me këtë thumboi edhe opozitën se atëherë u bashkuan të gjithë me Kurtin kundër LDK-së e tani po këta sot duan ta rrëzojnë Kurtin.
Isa, me gradën e akademikut i jep vetëm të drejtë të fyej ata që e mbështesin Albinin. Sipas ish kryeministri Kurti "po i sjell në gisht analfabetët funksional dhe kopjuesit e tij politik me retorikë propaganduese milimetrike".
Pra, mbi 52% të qytetarëve që votuan Kurtin qenkan analfabetë e vetëm ata që kanë votuar LDK-në e Isës qenkan njerëz të ngritur. Kjo mendësi e ka sjell këtu ku është LDK dhe Isën. Aq larg shkon me mendësinë e tij sa kërkon të ndryshojë opinioni, e prapë me votua LDK-në a ?!
Natyrisht se LDK ka shumë vlera dhe histori, por duhet larguar mendësia e Isës që e ka mbjell duke konsiderua injorant e analfabetë këdo që nuk i mbështetë. Me reforma dhe kthimin në rrugën rugoviane, LDK-së do i kthehen edhe votuesit, asnjëherë me mendësinë e Isës. Inatosur që Kurti e dërgoi në pension politikë, Isa i tërbuar shfryn mllef e helm në vend se të hesht e të pranojë gabimet e tija. Në vend të kësaj, Isa duket se tani e tutje do të shtrijë " betejën" e tij edhe me mbështetësit e Albinit, me dështimin e garantuar që në fillim.